ପାଣ୍ଡିଆନଙ୍କୁ ଚେତାବନୀ
କାନ୍ଦି କାନ୍ଦି ଏମିତି କହିଲେ ମହିଳା
ସାର୍‌ ମୋ କଥା ନଶୁଣିଲେ ଭଲ ହେବନି

ଅର୍ଗସ ବ୍ୟୁରୋ : ପୁଣି ପଦାରେ ପଡ଼ିଲା ବିଜେଡ଼ିର ଗୋଷ୍ଠୀ କନ୍ଦଳ । ଗତ ଶନିବାର ନୀଳଗିରି ଗସ୍ତରେ ଯାଇଥିଲେ ୫ଟି ଅଧ୍ୟକ୍ଷ ଭି.କେ ପାଣ୍ଡିଆନ । ଗସ୍ତ ସମୟରେ ଅନେକ ଘଟଣା ଓ ଦୁର୍ଘଟଣାର ଶିକାର ମଧ୍ୟ ହୋଇଥିଲେ ପାଣ୍ଡିଆନ । ଯାହାକୁ ନେଇ ଏବେ ପୁଣି ଚର୍ଚ୍ଚା ଚାଲିଛି । କେଉଁଠି ପାଣ୍ଡିଆନଙ୍କ ଗସ୍ତ ପୂର୍ବରୁ ଗଣ୍ଡଗୋଳ ଓ ଠେଲାପେଲା ହୋଇଥିଲା ତ ଆଉ କେଉଁଠି ସଭାରେ ମହିଳା କାଉନସିଲରଙ୍କୁ ବସିବାକୁ ସିଟ୍‌ ନମିଳିବାରୁ ବିଧାୟକ ସ୍ବରୂପ ଦାସ ଓ ପୂର୍ବତନ ସାଂସଦ ରବୀନ୍ଦ୍ର ଜେନାଙ୍କ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା ।

ପାଣ୍ଡିଆନଙ୍କ ନୀଳଗିରି ଗସ୍ତରେ ସମୟରେ ଆଉ ଏକ ବଡ଼ ଘଟଣା ଦେଖିବାକୁ ମିଳିଥିଲା । ଯେଉଁ ଘଟଣା ପାଇଁ ପାଣ୍ଡିଆନଙ୍କ ଗାଡ଼ିକୁ ଅଟକେଇ ଦେଇଥିଲେ ମହିଳା ଜଣକ । ଯାହାର ଭିଡିଓ ଏବେ ଭାଇରାଲ ହେଉଛି ।

ତେବେ ମହିଳା ଜଣକ ହେଉଛନ୍ତି, ଭଦ୍ରକ ଜିଲ୍ଲାର ବାସୁଦେବପୁର ବ୍ଲକର ବବିତା । ବାଲେଶ୍ବରରେ ଶିକ୍ଷୟତ୍ରୀ ଭାବେ କାମ କରୁଛନ୍ତି । କିନ୍ତି ତାଙ୍କ ଏରିଅର ଟଙ୍କା ପାଇବା ପାଇଁ ବହୁ ହଇରାଣ ହେଉଛନ୍ତି । ଯାହାକୁ ନେଇ ସେ, ନୀଳଗିରି ଗସ୍ତରେ ଆସିଥିବା ପାଣ୍ଡିଆନଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । କହିଛନ୍ତି "ପାଣ୍ଡିଆନ ସାର ମୋ କଥା ନଶୁଣିଲେ ଭଲ ହେବନି" । ମହିଳା ଜଣକ ଆହୁରି ମଧ୍ୟ କହିଛନ୍ତି, ଯଦି ମତେ ନ୍ୟାୟ ନ ମିଳେ ମୁଁ ପାର୍ଲାମେଣ୍ଟ ଯିବି । ଆଉ ସେଠି ମୋ ଅଭିଯୋଗ କରିବି ।

Argus English | argus english | Odisha Latest News, Breaking News, Trending News, Live TV