Argus News - ହାତୀ ଉପଦ୍ରବରେ ଅତିଷ୍ଠ ଗ୍ରାମବାସୀଙ୍କ ରାଜରାସ୍ତା ଅବରୋଧ

ଅର୍ଗସ ବ୍ୟୁରୋ: ହାତୀ ଉପଦ୍ରବ ପାଇଁ ରାଜ ରାସ୍ତା ଅବରୋଧ କଲେ ଲୋକେ। ମନମୁଣ୍ଡା - ଘଣ୍ଟାପଡା ରାସ୍ତା ୪୧ ନମ୍ବର ରାଜ୍ୟ ରାଜପଥ  ଉଦେପୁର ଛକରେ ରାସ୍ତା ଅବରୋଧ କରିଛନ୍ତି ଲୋକେ। 

ଗତ କିଛିଦିନ ହେଲା ଏହି ଅଞ୍ଚଳରେ ଏକ ବଣୁଆ ହାତୀ ଉପଦ୍ରବ କରୁଛି। କିଛିଦିନ ହେଲା ଏକ ବଣୁଆ ହାତୀ ଉଦେପୁର ଓ ଦୁମ୍ବାଲପାଲି ଗାଁକୁ ଯାଇ ଲୋକଙ୍କ ଫସଲ ନଷ୍ଟ ସହ ଘରଦ୍ୱାର ଭାଙ୍ଗି ଦେଉଛି। ଏନେଇ ବନ ବିଭାଗକୁ ଖବର ଦେଲେ ମଧ୍ୟ ବନ ବିଭାଗ ଶୁଣୁ ନ ଥିବାରୁ ଶେଷରେ ଆଜି ଉଭୟ ଗାଁର ଲୋକ ରାଜ ରାସ୍ତା ଅବରୋଧ କରି ଆନ୍ଦୋଳନ କରୁଛନ୍ତି। ଫଳରେ ରାସ୍ତାର ଉଭୟ ପାର୍ଶ୍ୱରେ ଗାଡି ମୋଟର ଅଟକି ରହିବା ସହ ଯାତାୟତ ବାଧାପ୍ରାପ୍ତ ହୋଇଛି। 

ଅଧିକ ପଢ଼ନ୍ତୁ ଓଡ଼ିଶା ଖବର