ଆଦିବାସୀଙ୍କୁ ଭୂମିହୀନ କରିବା ଷଡ଼ଯନ୍ତ୍ରର ପର୍ଦ୍ଦାଫାସ୍
ଅର୍ଗସ ବ୍ୟୁରୋ : ତାତିଲେ ଆଦିବାସୀ, ତେଜିଲା ବିବାଦ, ହୁଳୁସ୍ତୁଲୁ ହେଲା ବିଧାନସଭା । ବ୍ୟାକ ଫୁଟକୁ ଗଲା ବିଜେଡି ସରକାର । ଆଦିବାସୀ ଭୋଟ ବ୍ୟାଙ୍କ ହାତରୁ ଖସି ଯିବାର ଭୟ ଖାଇ ଗୋଡ଼ାଇଲା । ପରିଶେଷରେ ଆଜି ରାଜ୍ୟ ସରକାର କ୍ୟାବିନେଟ ଡାକି ଚାଲାକିର ସହିତ ଆଦିବାସୀ ଜମି ହସ୍ତାନ୍ତର ଆଇନକୁ ତର୍ଜମା କରିବା ଲାଗି ଟିଏସି ବା ଆଦିବାସୀ ଉପଦେଷ୍ଟା ପରିଷଦକୁ ପଠାଇ ଦେଇଛନ୍ତି । ତେବେ ୟାକୁ ନେଇ ବିରୋଧୀ ଦଳ ମୁଖ୍ୟ ସଚେତକ କହିଛନ୍ତି ଆମେ ଯେତେବେଳେ ଆଦିବାସୀଙ୍କ ଜମି ବିକ୍ରି ନେଇ ମୁଲତବୀ ପ୍ରସ୍ତାବ ଆଣିଲୁ ସେତେବେଳେ ଆଜି ସକାଳେ କ୍ୟାବିନେଟ ବୈଠକ ଡାକିଥିଲେ । ଅର୍ଥାତ ରାଜ୍ୟ ସରକାର ଯେଉଁ ଛେପ ପକାଇଥିଲେ, ତାହାକୁ ଆଜି ଢ଼ୋକିକି ନେଲେ ।
ଅଧିକ ପଢନ୍ତୁ : ଆଦିବାସୀ ଜମି ହସ୍ତାନ୍ତର ଅଧ୍ୟାଦେଶକୁ ନେଇ ବଢ଼ିବାରେ ଲାଗିଛି ବିବାଦ
ନବୀନ ସରକାର ଆଦିବାସୀ ବିରୋଧୀ ବୋଲି କହିଛନ୍ତି ମୋହନ । ସେହିପରି କଂଗ୍ରେସ ବିଧାୟକ ଦଳ ନେତା କହିଛନ୍ତି କିଛି ଆବଶ୍ୟକତା ନଥିଲା ଅଧିକ ତର୍ଜମା ପାଇଁ ଆଦିବାସୀ ଉପଦେଷ୍ଟା ପରିଷଦକୁ ପଠାଇବା । କ୍ୟାବିନେଟ ଚାହିଁଥିଲେ ସେହି ନିଷ୍ପତ୍ତି କୁ ପ୍ରତ୍ୟାହାର କରି ପାରି ଥାନ୍ତେ । ଯେହେତୁ ଆଜି ସେହି ପ୍ରସଙ୍ଗ ରେ ମୁଲତବୀ ପ୍ରସ୍ତାବ ଆସିଥିଲା ତେଣୁ ତରବରିଆ ଭାବେ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଆଦିବାସୀ ଉପଦେଷ୍ଟା ପରିଷଦକୁ ପଠାଇ କେବଳ ସ୍ଥିତିକୁ ଗୋଳ ମାଳିଆ କରିବାକୁ ଉଦ୍ୟମ କରାଯାଇଛି ।
📱 Get Argus News App
✨ସେପଟେ ବିଜେଡି କହିଛି ଆଦିବାସୀ ଉପଦେଷ୍ଟା ପରିଷଦ ରେ ସବୁ ଦଳର ନେତା ଅଛନ୍ତି ସସେଥିପାଇଁ ଆଲୋଚନା ଲାଗି ଟିଏସି ପଠାଇଛନ୍ତି ରାଜ୍ୟ ସରକାର । କ୍ୟାବିନେଟରେ ବିରୋଧି ମାନଂକ ପାଇଁ କିଛି ସୁବିଧା ନଥିଲା, ତେଣୁ ଟିଏସିକୁ କ୍ୟାବିନେଟ୍ ତର୍ଜମା କରିବାକୁ ଦେଇଛି । ପ୍ରଶ୍ନ କ୍ୟାବିନେଟ ପାରିତ କରିଥିଲା ଆଦିବାସୀ ଜମି ହସ୍ତାନ୍ତର ସମ୍ପର୍କିତ ସଂଶୋଧୀତ ଆଇନ । ସେହି କ୍ୟାବିନେଟ ହିଁ ତାକୁ ପ୍ରତ୍ୟାହାର କରିବା କଥା । କିନ୍ତୁ କ୍ୟାବିନେଟରେ ସଂଶୋଧିତ ଆଇନକୁ ପ୍ରତ୍ୟାହାର ନ କରି ଆଦିବାସୀ ଉପଦେଷ୍ଟା କମିଟିକୁ ପଠାଇବା ପଛରେ କାରଣ କଣ ?