Argus News - ୫ଟି ଗୋରୁ ବୋଝେଇ ପିକଅପ୍ ସହ ୧୩  ଗୋ ମାଫିଆ ଗିରଫ

ମୟୂରଭଞ୍ଜ: ମୟୂରଭଞ୍ଜ ଶୁଳିଆପଦା ପୋଲିସକୁ ବଡ ସଫଳତା । ଗୋ ମାଫିଆଙ୍କୁ ରୋକିବାରେ ସଫଳ ହେଇଛନ୍ତି ଶୁଳିଆପଦା ସିଂଘମ ଥାନା ଅଧିକାରୀ ସୁମିତ ସୋରେନ। ଗୋ ମାଫିଆ ସକ୍ରିୟ ହେଉଥିବା ବେଳେ ଆଜି ପୋଲିସ ହାତରେ ବଡ ସଫଳତା ଲାଗିଛି ୫ଟି ଗୋ ବଝେଇ ପିକପ୍ ସହ ୧୩ ଜଣ ଗୋ ମାଫିଆ ଗିରଫ ହେବା ସହ ୫୬ ଟି ଗୋରୁ ଜବତ ହୋଇଛି।

ଶୁଳିଆପଦା ଥାନା ଅଞ୍ଚଳରେ ଚୋରୀ, ଲୁଟପାଟ, ଚୋରା କାରବାର, ଗୋଚାଲାଣ, ଜୁଆଖେଳ, ଚୋରା ବାଲି, ଚୋରା କାଠ କାରବାର ବଢ଼ିଚାଲିଥିବାବେଳେ ଥାନା ଅଧିକାରୀ ସୁମିତ ସୋରେନ ଆସିବା ପରେ ଚୋରା ବାଲି ମାଫିଆ ଓ ଗୋ ମାଫିଆଙ୍କ ଛାତିରେ ଛନକା ପଶିଛି। ଗୋ ମାଫିଆଙ୍କ ମେଡିକାଲ ଚେକଅପ୍ ହେଉଥିବା ବେଳେ ୫୬ ଟି ଗୋରୁକୁ ପଶ୍ଚିମବଙ୍ଗ ଚାକୁଳିଆ ଗୋ ଶାଳାକୁ ସ୍ଥାନାନ୍ତରିତ କରାଯାଇଛି।   

ଅଧିକ ପଢନ୍ତୁ ଓଡ଼ିଶା ଖବର