ଅର୍ଗସ ବ୍ୟୁରୋ: ଦୁର୍ଗା ମନ୍ଦିର ହୁଣ୍ଡିରୁ ତାଲା ଭାଙ୍ଗି ଲୁଟିନେଲେ ଦାନ ଟଙ୍କା । ସୁବର୍ଣ୍ଣପୁର ସହରର ଗଡଭିତରେ ଥିବା ମା' କନକ ଦୁର୍ଗାଙ୍କ ମନ୍ଦିରରୁ ତାଲା ଭାଙ୍ଗି ହୁଣ୍ଡିରେ ଥିବା ଟଙ୍କା ଚୋରି କରି ନେଇ ଥିବା ଅଭିଯୋଗ ହୋଇଛି । ଏନେଇ ସୋନପୁର ଥାନାରେ ଲିଖିତ ଅଭିଯୋଗ କରିଛନ୍ତି ମନ୍ଦିର ପୂଜକ। 

ଅଭିଯୋଗ ଅନୁସାରେ ସବୁଦିନ ପରି ଆଜି ସକାଳୁ ମନ୍ଦିର ପୂଜକ ପୂଜା ପାଇଁ ଆସିଥିବାବେଳେ ମନ୍ଦିର ମୁଖ୍ୟ ଫାଟକର ତାଲା ଖୋଲା ଥିଲା । ଭିତରକୁ ଯାଇ ଦେଖିଲା ବେଳକୁ ହୁଣ୍ଡିର ତାଲା ମଧ୍ୟ ଭାଙ୍ଗିଯାଇଥିବା ଦେଖିବାକୁ ପାଇଥିଲେ । ଏନେଇ ତୁରନ୍ତ ମନ୍ଦିର କମିଟି ଜଣାଇଥିଲେ। ତେବେ ଦୀର୍ଘ ଦୁଇ ବର୍ଷ ହେବ ହୁଣ୍ଡି ଖୋଲା ହୋଇ ନ ଥିବାବେଳେ ଯାହା ଦାନ ଟଙ୍କା ଥିଲା ସବୁ ନେଇ ଯାଇଛନ୍ତି ଦୁର୍ବୃତ୍ତ । ତେବେ ଏହାର ତଦନ୍ତ କରିବାକୁ ଦାବି କରିଛନ୍ତି। 

ଅଧିକ ପଢ଼ନ୍ତୁ ଓଡ଼ିଶା ଖବର