ଅର୍ଗସ ବ୍ୟୁରୋ: ହାଟରୁ ଫେରିବା ସୟରେ ଦଳି ଦେଲା ଦନ୍ତା। ଘଟଣା ସ୍ଥଳରେ ଯୁବକଙ୍କ ମୃତ୍ୟୁ ଘଟିଛି। ମୃତକ ହେଲେ ହରିଡ଼ାଯୋଡ଼ି ଗାଁର ମିଥୁନ ମୁଣ୍ଡା। ଗତକାଲି ସନ୍ଧ୍ୟାରେ ସେ ଅନ୍ୟ ୩ ଜଣଙ୍କ ସହ ମରସୁଆଁ ହାଟରୁ ଫେରୁଥିଲେ। ତେବେ ଗାଁ ଆଉ ଅଳ୍ପ ବାଟ ଥିବାବେଳେ, ବିନୋଦବିହାରୀପୁର ନିକଟରେ ହାତୀ ହାବୁଡ଼ରେ ପଡ଼ିଯାଇଥିଲେ । 

୩ ଜଣ ଘଟଣା ସ୍ଥଳରୁ ଦୌଡ଼ି ପଳାଇ ଥିବା ବେଳେ ମିଥୁନ ମୁଣ୍ଡାକୁ ହାତୀ ଦଳି ଦେଇଥିଲା । ଫଳରେ  ଘଟଣା ସ୍ଥଳରେ ମିଥୁନଙ୍କର ମୃତ୍ୟୁ ଘଟିଥିଲା । ଏନେଇ  ଜଣାପଡ଼ିବା ପରେ ବନ ବିଭାଗ ଓ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଚମ୍ପୁଆ ଉପଖଣ୍ଡ ଡାକ୍ତରଖାନା ପଠାଇ ଥିବା ଜଣାପଡିଛି। ବାଲିବନ୍ଧ ସେକ୍ସନରେ ଏବେ  ୧୯ଟିକିଆ ହାତୀପଲ ରହିଥିବା ବନ ବିଭାଗ ପକ୍ଷରୁ ସୂଚନା ମିଳିଛି। 

ଅଧିକ ପଢ଼ନ୍ତୁ ଓଡ଼ିଶା ଖବର