ଅର୍ଗସ ବ୍ୟୁରୋ : ଅଲିଭ ରିଡ୍‌ଲେ କଇଁଛଙ୍କ ଚଳପ୍ରଚଳ ହେଉଥିବା ସଂପୃକ୍ତ ଅଞ୍ଚଳରେ ଥିବା ମାଛଧରା ବୋଟରେ ଟ୍ରାନ୍ସପୋଣ୍ଡର ଲଗେଇବା ଉପରେ ତଥ୍ୟ ଲୋଡ଼ିଲେ ହାଇକୋର୍ଟ । ଏହାସହ ମେରାଇନ ଥାନାରେ ଖାଲି ପଡିଥିବା ପୋଲିସ କର୍ମଚାରୀଙ୍କ ପଦବୀ ପୂରଣ ପ୍ରସଙ୍ଗରେ ମଧ୍ୟ ତଥ୍ୟ ଲୋଡ଼ିଛନ୍ତି ହାଇକୋର୍ଟ । 

ଅଧିକ ପଢନ୍ତୁ ଓଡ଼ିଶା ଖବର

କୋର୍ଟ ଉଭୟ ପ୍ରସଙ୍ଗରେ ସତ୍ୟପାଠ ଦାଖଲ କରିବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ଆସନ୍ତା ସପ୍ତାହରେ ଏହି ମାମଲାର ପରବର୍ତ୍ତୀ ଶୁଣାଣୀ ପାଇଁ କୋର୍ଟ ଦିନ ଧାର୍ଯ୍ୟ କରିଛନ୍ତି । ଗହୀରମଥା, ଋଷିକୂଲ୍ୟା, ଦେବୀ ନଦୀ ଆଦି ମୁହାଣରେ ମାଛଧରା ଯୋଗୁଁ ଅନେକ ସମୟରେ ଅଲିଭ ରିଡ଼ଲେ କଇଁଛଙ୍କ ଜୀବନ ଯାଉଛି । ଯାହାକୁ ଗୁରୁତ୍ଵ ସହ ନେଇ ନିଜ ଆଡୁ ମାମଲା ରୁଜୁ କରିଥିଲେ ହାଇକୋର୍ଟ ।