ବାଲେଶ୍ୱର:  ଘର ବାଡିରୁ ବୃଦ୍ଧାଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର । ପୁଅ ବୋହୁ କିରୋସିନ ଢାଳି ଜାଳି ଦେଇଥିବାର ଅଭିଯୋଗ କଲେ ଗ୍ରାମବାସୀ । 

ବାଲେଶ୍ବର ଜିଲ୍ଲା କମର୍ଦ୍ଦା ଥାନା ବେଲଦା ଗ୍ରାମରେ ଦେଖିୁବାକୁ ମିଳିଛି ଏଭଳି ଅଭାବନୀୟ ଘଟଣା । ଗ୍ରାମର ଖୁଦିରାମ ବେରାଙ୍କ ସ୍ତ୍ରୀ ମଞ୍ଜୁରାଣୀ ବେରାଙ୍କ ଘର ବାଡିରେ ଅର୍ଦ୍ଧଦଗ୍ଧ ମୃତଦେହ ସକାଳୁ ଦେଖିବାକୁ ପାଇଥିଲେ ଗ୍ରାମବାସୀ । ବିଳମ୍ବିତ ରାତ୍ରୀରେ ମଞ୍ଜୁରାଣି ବେରାଙ୍କୁ କରୋସିନି ଢାଳି ପୁଅ ବୋହୁ ଜାଳିଦେଇ ଥିବାର ଗ୍ରାମବାସୀ ଅଭିଯୋଗ କରିଛନ୍ତି ।

ସେପଟେ ନିଜେ କିରୋସିନି ଢାଳି ଆତ୍ମହତ୍ୟା କରିଥିବା ପରିବାର ଲୋକେ ବୟାନ ଦେଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ନଥିବାରୁ ଲୋକେ ଅସନ୍ତୁଷ୍ଟ ପ୍ରକାଶ କରିଛନ୍ତି । ଏହାସହ ଗ୍ରାମବାସୀଙ୍କ ଅଭିଯୋଗ କଥା ଯେ ପୁଅ ବୋହୁ ମିଶି ନିର୍ଯାତନା ଦେଇ ମା' କୁ ମାରିଦେଇଛନ୍ତି । ଘରେ ସବୁଦିନ କଳହ ଲାଗି ରୁହେ । ଆତ୍ମହତ୍ୟା ନୁହେଁ ହତ୍ୟା ବୋଲି ଅଭିଯୋଗ କରିଛନ୍ତି ଗ୍ରାମବାସୀ ।
 

ଆହୁରି ପଢନ୍ତୁ ଓଡିଶା ଖବର...