'ନିର୍ବାଚନ କମିଶନଙ୍କ ସୁପାରିଶକୁ କାର୍ଯ୍ୟକାରୀ କରୁନାହାନ୍ତି ରାଜ୍ୟ ସରକାର'
ଭୁବନେଶ୍ୱର: ନିର୍ବାଚନ କମିଶନଙ୍କ ସୁପାରିଶକୁ ରାଜ୍ୟ ସରକାର କାର୍ଯ୍ୟକାରି ନକରିବା ନେଇ ରାଜ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହେଲା ବିଜେପି । ଅବାଧ ଓ ନିରପେକ୍ଷ ନିର୍ବାଚନ ପାଇଁ ୩ ବର୍ଷରୁ ଅଧିକ ସମୟ ଧରି ଗୋଟିଏ ପଦବୀରେ ଥିବା ସରକାରୀ ଅଧିକାରୀଙ୍କୁ ବଦଳ କରିବା ପାଇଁ ରାଜ୍ୟ ସରକାରଙ୍କୁ ଡିସେମ୍ବର ୧ ରେ ଚିଠି କରିଥିଲେ । ଜାନୁଆରୀ ୩୧ ଶେଷ ତାରିଖ ଥିବା ସତ୍ତ୍ୱେ ମଧ୍ୟ ଏ ଯାଏଁ ରାଜ୍ୟ ସରକାର ସେ ନିର୍ଦ୍ଦେଶକୁ କାର୍ଯ୍ୟକାରୀ କଲେ ନାହିଁ କିମ୍ବା କୌଣସି ପ୍ରକ୍ରିୟା ଆରମ୍ଭ କଲେ ନାହିଁ ।
ରାଜ୍ୟରେ ୧୦ ଜିଲ୍ଲାରେ ଜିଲ୍ଲାପାଳମାନେ ୩ ବର୍ଷରୁ ଅଧିକ ସମୟ ଧରି ଜିଲ୍ଲାରେ ରହିଛନ୍ତି । ସେହିପରି ଏକାଧିକ ଆଇଏଏସ ଏବଂ ଆଇପିଏସ ମଧ୍ୟ ଲମ୍ବା ସମୟ ଧରି ଗୋଟିଏ ପଦବୀରେ ରହିଛନ୍ତି । ଏନେଇ ରାଜ୍ୟ ନିର୍ବାଚନ ଅଧିକାରୀଙ୍କୁ ଅବଗତ କଲା ବିଜେପି । ରାଜ୍ୟ ସରକାର ସୁପାରିଶ କାର୍ଯ୍ୟକାରୀ ନ କଲେ ଖୁବ୍ ଶୀଘ୍ର ଅଧିକାରୀଙ୍କ ତାଲିକା ଧରି ନିର୍ବାଚନ ଅଧିକାରୀଙ୍କ ନିକଟରେ ବିଜେପି ଦାଖଲ କରିବ ବୋଲି କହିଛନ୍ତି ବିଜେପି ଉପ ସଭାନେତ୍ରୀ ଲେଖାଶ୍ରୀ ସାମନ୍ତସିଂହାର ।
ଆହୁରି ପଢନ୍ତୁ ଓଡିଶା ଖବର...
