ଅର୍ଗସ ବ୍ୟୁରୋ : ପୂର୍ବତନ ଜନସଂଘ, ବରିଷ୍ଠ ବିଜେପି ନେତା ତଥା ଓଡିଶା ବିଜେପିର ପ୍ରଥମ ସାଧାରଣ ସଂପାଦକ ଡ.ପ୍ରିୟବ୍ରତ ରଥଙ୍କ ପରଲୋକ । ଗତ ରାତିରେ ବଲାଙ୍ଗିର ତେଲିଗୋଠ ପଡା ଘରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ହେଇଥିଲା ।  ତେଳିଗୋଠପଡା ଘରକୁ ବନ୍ଧୁବାନ୍ଧବ,ପଡୋଶୀ ସହ ଅନେକ ମାନ୍ୟଗଣ୍ୟ ଲୋକ ଆସି ତାଙ୍କ ଶେଷ ଦର୍ଶନ କରିଛନ୍ତି । 

ପାରଳାଖେମୁଣ୍ଡିରେ ପାଠପଢା ପରେ ଭିଏସଏସ ବୂର୍ଲାରେ ଏମବିବିଏସ କରିଥିଲେ ଡ.ରଥ । ୧୯୬୪ ଛାତ୍ର ଆନ୍ଦୋଲନର ମୁଖ୍ୟ ପୁରୋଧା ଥିଲେ ଡ.ପ୍ରିୟବ୍ରତ ରଥ । ଓଡିଶା ବିଜେପିର ପ୍ରଥମ ସାଧାରଣ ସଂପାଦକ ଥିବା ଡ.ପ୍ରିୟବ୍ରତ ରଥ ଲୋଟସ ମେଗାଜିନ ପ୍ରତିଷ୍ଠା କରିଥିଲେ ଓ  ମୁଖ୍ୟ ସଂପାଦକ ଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

୨୪ ଏପ୍ରିଲ ୨୦୨୦ରେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫୋନକରି ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ । ସାତମିନିଟ ଧରି ପ୍ରଧାନମନ୍ତ୍ରୀ ଓ ପ୍ରିୟବ୍ରତ ରଥ ଫୋନରେ କଥା ହୋଇଥିଲେ । ଡ.ପ୍ରିୟବ୍ରତ ରଥ ଜନତା ଆରଏସଏସ ଆଣ୍ଡ ଭାରତୀୟ ଜନତା ପାର୍ଟି ନାମକ ଏକ ପୁସ୍ତକ ମଧ୍ୟ ଲେଖିଛନ୍ତି । ତାଙ୍କ  ପରଲୋକରେ ସମସ୍ତେ ମ୍ରିୟମାଣ ।