Argus News - ରାସ୍ତା ମଝିରେ ହୁତୁହୁତୁ ହୋଇ ଜଳିଗଲା ବାଇକ୍, ଅଳ୍ପକେ ବର୍ତ୍ତିଲେ ଚାଳକ

ଅର୍ଗସ ବ୍ୟୁରୋ : ରାୟଗଡା ଜିଲ୍ଲା ମୁନିଗୁଡା ତହସିଲ ଛକ ନିକଟରେ ଆଜି ଗୋଟିଏ ବାଇକ୍ ଚଳନ୍ତା ଅବସ୍ଥାରେ ନିଆଁ ଲାଗି ହୁତୁହୁତୁ ହୋଇ ଜଳିଗଲା । ବାଇକ୍ ଚାଳକ ଜଣକ କୌଶଳ କ୍ରମେ ଅଳ୍ପକେ ବର୍ତ୍ତିଯାଇଛନ୍ତି । କନ୍ଧମାଳ ଜିଲ୍ଲା ବଣ୍ଡାପିପିଲି ଅଞ୍ଚଳର ପିଣ୍ଟୁ ନାଗ୍ ନାମକ ଜଣେ ଜୁବକ କୌଣସି କାମରେ ମୁନିଗୁଡା ଆସିଥିବା ବେଳେ ତାଙ୍କ ହୋଣ୍ଡା ସିଡିଆର୍ ବାଇକଟି ଚଳନ୍ତା ଅବସ୍ଥାରେ କୌଣସି କାରଣରୁ ନିଆଁ ଲାଗିଯାଇଥିଲା । ଯୁବକ ଜଣକ କୈଶଳ କ୍ରମେ ବାଇକଟିକୁ ରାସ୍ତା ମଝିରେ ଛାଡି ଗାଡିରୁ ଓଲ୍ଲାହିଇ ପଡିଥିଲେ । ପରେ ସ୍ଥାନୀୟ ଲୋକେ ନିଆକୁ ଆୟତ୍ତ କରିଛନ୍ତି । ସଟ୍ ସର୍କିଟ ଯୋଗୁ ବାଇକରେ ନିଆଁ ଲାଗିଯାଇଥିବା ଅନୁମାନ କରାଯାଉଛି ।

ଅଧିକ ପଢନ୍ତୁ ଓଡ଼ିଶା ଖବର