ଅର୍ଗସ ବ୍ୟୁରୋ : ଶ୍ରୀମନ୍ଦିରକୁ ହିନ୍ଦୀ ବ୍ଲଗର କାମିଆ ଜାନି ଆସିବା ଲାଗି ପ୍ରାୟ ୧୮ କୋଟି ଟଙ୍କା ନେଇଛନ୍ତି । ଏମିତିକି ସେ ହଠାତ୍‌ ନୁହେଁ ବରଂ ପୂର୍ବରୁ ମାଷ୍ଟର ପ୍ଲାନ ସହ ଆସିଛନ୍ତି । ସେଇଥି ଲାଗି ତ ଫାଇଭ-ଟି ଅଧ୍ୟକ୍ଷ ତଥା ଆମ ଓଡ଼ିଶା ନବୀନ ଓଡ଼ିଶାର ଚେୟାରମ୍ୟାନ ପାଣ୍ଡିଆନ ଭୋର ସମୟରୁ ହିଁ କାମିଆଙ୍କୁ ଶ୍ରୀମନ୍ଦିରରେ ପ୍ରବେଶ କରାଇଥିଲେ । ହେଲେ ଏତେ ପରିମାଣର ଟଙ୍କା ରାଜସ୍ଵରୁ ଖର୍ଚ୍ଚ କରି କାହିଁକି ଜଣେ ବିଧର୍ମୀଙ୍କୁ ମନ୍ଦିରରେ ପୂରାଇଲେ ତାହାକୁ ନେଇ ଏବେ ସବୁଠି ଚର୍ଚ୍ଚା ।

ସଂସ୍କୃତି ଓ ପରମ୍ପରା ସହ ସାଙ୍ଘାତିକ ଖେଳ ଖେଳୁଛନ୍ତି ନବୀନ ସରକାର । ପୁରୀରେ ଯେମିତି ଭିଭିଆଇପି କଲଚରରେ ଦର୍ଶନ ହେଉଛି ତାହା ଆଦୌ ଠିକ୍‌ ନୁହେଁ । ବରଂ ଚାରିଦ୍ଵାର ଖୋଲିକି ସୁରୁଖୁରୁରେ ଦର୍ଶନ ବ୍ୟବସ୍ଥା ହେବା ଦରକାର ବୋଲି କହିଛନ୍ତି ପ୍ରିୟଦର୍ଶନ ।

ସାଢେ ଚାରିକୋଟି ଓଡ଼ିଆଙ୍କର ପ୍ରାଣର କେନ୍ଦ୍ର ହେଉଛି ଶ୍ରୀମନ୍ଦିର । ହେଲେ ଏବେ ସେହି ମନ୍ଦିର ଉପରେ ସରକାରଙ୍କର ରହିଛି ଲୋଲୁପ ନଜର । ତେଣୁ ମନ୍ଦିରକୁ ନେଇ ରାଜନୀତି କରାଯାଉଥିବା ଅଭିଯୋଗ ବି ହେଉଛି । କିନ୍ତୁ କାମିଆଙ୍କୁ ଆଣିବାକୁ ଯେମିତି ଭାବରେ ରାଜସ୍ଵ ତହବିଲରୁ ପାଣି ପରି ଅର୍ଥ ଖର୍ଚ୍ଚ କଲେ ସରକାର ତାହା ନିଶ୍ଚୟ ଆତ୍ମଚିନ୍ତନର ବିଷୟ ।

Argus English | argus english | Odisha Latest News, Breaking News, Trending News, Live TV