ଅର୍ଗସ ବ୍ୟୁରୋ : ଖାଉଟିଙ୍କ ଉପରେ ପୁଣି ଦରବୃଦ୍ଧ ଅତ୍ୟାଚାର । କିଛି ଦିନ ମଧ୍ୟରେ ରସୁଣର ଦାମ ୧୦୦ ଟଙ୍କା ବୃଦ୍ଧି ପରେ ବଜାରକୁ ଗଲେ ଆଁ କରି ଚାହିଁ ରହୁଛି ଗ୍ରାହକ । କାରଣ ୩୦୦ ଛୁଇଁଛି ରସୁଣର ଦାମ । ଏକ ନମ୍ବର ହାଟରେ କିଲୋ ପିଛା ରସୁଣର ପାଇକାରୀ ଦର ୨୫୦ ଟଙ୍କାରୁ ୨୬୦ ଟଙ୍କା ରହିଥିବା ବେଳେ ଖୁଚୁରା ବଜାରରେ ବେପାରୀ ମନଇଚ୍ଛା କଷୁଛନ୍ତି ଦର । 

ଓଡ଼ିଶାରେ ରସୁଣ ଉତ୍ପାଦନ ହେଉଥିବାରୁ ମୁଖ୍ୟତଃ ଉତ୍ତରପ୍ରଦେଶ ଓ ନାସିକ ଉପରେ ରସୁଣ ଲାଗି ନିର୍ଭର କରେ ଓଡ଼ିଶା । ସ୍ଥିତି ଏମିତି ଯେ, କିଲେ ନେଉଥିବା ଲୋକ ଏବେ ଶହେ ଗ୍ରାମ୍ ନେବାକୁ ବି ୩୦୦ ଥର ଚିନ୍ତା କରୁଛି । ପିଆଜ ଦରରେ ନିୟନ୍ତ୍ରଣ ଆସିବା ପରେ ରସୁଣ ଦର ଏଭଳି ହଟାତ ବୃଦ୍ଧି ସମସ୍ତଙ୍କ ଚିନ୍ତା ବଢ଼ାଇଛି । 

ଅଧିକ ପଢନ୍ତୁ ଓଡ଼ିଶା ଖବର

ସବୁଠାରୁ ବଡ଼ କଥା ରସୁଣ ଅଭାବ ମନୁଷ୍ୟକୃତ କୁହାଯାଉଛି । କର୍ପୋରେଟ ସନ୍ଥ ଗୁଡ଼ିକ ବଜାରରେ ଏପରି ସ୍ଥିତି ସୃଷ୍ଟି କରିଥିବା ଅଭିଯୋଗ ହେଉଛି । ଏଥିସହ ଚକିତ ବର୍ଷ ରସୁଣ ଉତ୍ପାଦନ ୧୫-୨୦ ପ୍ରତିଶତ କମ ରହିବା ବୋଝ ଉପରେ ନଳିତା ବିଡ଼ା ସାଜିଛି । ତେବେ  ଜାନୁଆରୀ ୧୫ ସୁଦ୍ଧା ଏହା ସ୍ଵାଭାବିକ ହେବ ବୋଲି କହିଛନ୍ତି ବ୍ୟବସାୟୀ ମହାସଂଘର ସଭାପତି ।