ନୀଳଗିରିରେ ବିଜେଡ଼ି ବିଜେଡ଼ି ମୁହାଁମୁହିଁ, ଦୁଇ ଭାଗ ହୋଇ ପାଳିଲେ ପ୍ରତିଷ୍ଠା ଦିବସ

ଅର୍ଗସ ବ୍ୟୁରୋ : ପୁଣି ନୀଳଗିରି ବିଜେଡ଼ିରେ ଦେଖା ଦେଲା ଦଳୀୟ କନ୍ଦଳ । ଦୁଇ ଗୋଷ୍ଠୀ ହୋଇ ପାଳିଲେ ବିଜେଡିର ୨୭ ତମ ପ୍ରତିଷ୍ଠା ଦିବସ । ବିଜୁ ବାବୁଙ୍କ ନୀତି ଆଦର୍ଶରେ ଚାଲୁଥିବା ଦଳ ଆଜି ପଥଭ୍ରଷ୍ଟ । କାହାରି ସହିତ କାହାରି ପଡୁ ନାହିଁ । ଏଠି ହମସେ ସେ ବଡା କୋଇ ନେହିଁ ନୀତିରେ ଚାଲୁଛନ୍ତି ନୀଳଗିରି ବିଜେଡ଼ି ନେତା । ଦଳ ପଛେ ଚୁଲିକି ଯାଉ । କିନ୍ତୁ ମୋର ଟିକେଟ ଦରକାର ମୁଁ ବିଧାୟକ ହେବି । ଗୋଟିଏ ପଟେ ଶୁଭେନ୍ଦୁ ଦାସ ମଙ୍ଗରାଜକୁ ଅନ୍ୟ ପଟେ ସନ୍ତୋଷ ଖଟୁଆ ।

ବିଜେଡି ଟିକେଟ ପାଇଁ ନୀଳଗିରିରେ ବଢିବାରେ ଲାଗୁଛି ଆଶାୟୀଙ୍କ ସଂଖ୍ୟା, ବଢୁଛି ଲବି ଓ କିଏ ହେବ ପ୍ରାର୍ଥୀ, ଯାହାକୁ ନେଇ ବିଜେଡ଼ିରେ ବଢୁଛି ବିବାଦ । ଏହି ପ୍ରତିଷ୍ଠା ଦିବସରେ ନୀଳଗିରିରେ ଗଣଦୌଡ଼ କାର୍ଯ୍ୟକ୍ରମ ହୋଇଥିଲା । ଶୁଭେନ୍ଦୁ ଦାସ ମଙ୍ଗରାଜଙ୍କ ନେତୃତ୍ୱରେ ବୋହୁ ନେତା ଓ କର୍ମୀ ଯୋଗଦାନ କରିଥିଲେ । ଏହି ଅବସରରେ ମଙ୍ଗରାଜ କହିଥିଲେ ମୋତେ ନୀଳଗିରି ଦାୟିତ୍ୱ ମିଳିଲେ ମୁଁ ସଠିକ ଢଙ୍ଗରେ ସମ୍ଭାଳିବି ।

ସେହିପରି ନୀଳଗିରି ବିଜେଡିକୁ ଜିରୋରୁ ହିରୋ କରିବାକୁ ଚେଷ୍ଟା କରୁଛନ୍ତି ବରିଷ୍ଠ ଜିଲ୍ଲା ବିଜେଡି ଉପସଭାପତି ସନ୍ତୋଷ ଖଟୁଆ । ଦଳ, ବଳ, କୌଶଳ ଲଗେଇ ପୁରା ଦମରେ ଲାଗିଛନ୍ତି । ପୁଣି ଥରେ ବିଜେଡି ଟିକେଟ ହାତେଇବାକୁ । କିନ୍ତୁ ସନ୍ତୋଷ ପାଇଁ ଅସନ୍ତୋଷ ସାଜିଛନ୍ତି ତାଙ୍କ ଦଳର ଅସନ୍ତୋଷ ଟିକେଟ ଆଶାୟୀ ନେତା । ଦଳୀୟ ଫାଟ ବଢ଼ିବାରେ ଲାଗିଛି । ଦଳିୟ ଫାଟ ବିଷୟରେ ଗଣମାଧ୍ୟମ ପ୍ରତିନିଧି ପ୍ରଶ୍ନ କରିବାରୁ "ଆପଣଙ୍କ ମାନଙ୍କ ଚେନାଲ ହିଁ ଫାଟ ଫାଟ କହିକି ଫଟେଇବାକୁ ଚେଷ୍ଟା କରୁଛନ୍ତି କିନ୍ତୁ ସେ ଫାଟିବନି " ବୋଲି ସଫେଇ ଦେଇଛନ୍ତି ଖଟୁଆ । ନିର୍ବାଚନ ଯେତେ ପାଖେଇ ଆସୁଛି ବିଜେଡ଼ିର ଦଳୀୟ କନ୍ଦଳ ଜଳ ଜଳ ହୋଇ ଦିଶୁଛି । ଗୋଟିଏ ପଟେ ଶୁଭେନ୍ଦୁ ଅନ୍ୟପଟେ ସନ୍ତୋଷ ଟିକେଟ ଆଶାୟୀ ଥିବା ବେଳେ, ଆଉ ଗୋଟେ ପଟେ ବରିଷ୍ଠ ପ୍ରଶାସକ ସରୋଜ ସେଠି ମଧ୍ୟ ବିଜେଡି ଟିକେଟ ଆଶାୟୀ ଥିବା ଚର୍ଚ୍ଚା ହେଉଛି । ଦେଖିବାକୁ ବାକି ରହିଲା ନୀଳଗିରିରେ କାହାକୁ ମିଳୁଛି ଟିକେଟ ।