ଅର୍ଗସ ବ୍ୟୁରୋ : ପୁଣି ଅଲୋଡ଼ା ହେଲା ନବ ଜାତ ଶିଶୁ କନ୍ୟା । ମାନବିକତା ଭୁଲିଗଲା ମା' । ଶିଶୁ କନ୍ୟାକୁ ଜନ୍ମ ଦେଇ କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ବଇଁଚୁଆ ଗ୍ରାମର ନିକଟରେ ଥିବା ଏକ ଖୋଲା ପଡ଼ିଆରେ ଶିଶୁ କନ୍ୟାକୁ ଛାଡ଼ି ଚାଲିଗଲା ମା' । ଛାଡି ଚାଲିଯିବାର କିଛି ସମୟ ପରେ ଶିଶୁର କାନ୍ଦଣା ଶୁଣି ପଥଚାରୀ ମାନେ ଅଟକି ଯାଇଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ଆସ୍ତେ ଆସ୍ତେ ନବ ଯାତ ଶିଶୁ କନ୍ୟାଟିକୁ ଦେଖିବାକୁ ଲୋକଙ୍କ ଭିଡ ଜମିଥିଲା । ସ୍ଥାନୀୟ ଲୋକ ମାନେ ଟାଙ୍ଗୀ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ଟାଙ୍ଗୀ ପୋଲିସ ପହଞ୍ଚି ନବଜାତ ଶିଶୁ କନ୍ୟାକୁ ଉଦ୍ଧାର କରି ଆମ୍ବୁଲାନ୍ସ ସାହାଯ୍ୟରେ ଚିକିତ୍ସା ପାଇଁ ଶିଶୁ ଭବନ ପଠାଇବା ସହିତ CWCର ସହାୟତା ନେଇଥିଲେ । ଅନ୍ୟପକ୍ଷରେ ଟାଙ୍ଗୀ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି । ଶିଶୁ କନ୍ୟାର ଅବସ୍ଥା ସଙ୍କଟାପନ ଥିବା ଜଣାପଡିଛି ।