ନୂଆବର୍ଷ ୨୦୨୪, ଚଳଚଞ୍ଚଳ ଲିଙ୍ଗରାଜଙ୍କ ପୀଠ
ଅର୍ଗସ ବ୍ୟୁରୋ : ଲିଙ୍ଗରାଜଙ୍କ ପୀଠରୁ ନୂଆବର୍ଷର ଆରମ୍ଭ । ଇଂରାଜୀ ନୂଆବର୍ଷ ୨୦୨୪ର ପ୍ରଥମ ଦିନରେ ମନ୍ଦିର ମାଳିନୀ ଭୁବନେଶ୍ୱରର ବିଭିନ୍ନ ମନ୍ଦିରରେ ଜମିଛି ରାଜ୍ୟ ତଥା ରଜ୍ୟ ବାହାର ଶ୍ରଦ୍ଧାଳୁଙ୍କ ଭିଡ଼ । ବିହାର, ତେଲଙ୍ଗାନା, ଗୁଜରାଟ ଭଳି ବିଭିନ୍ନ ରାଜ୍ୟରୁ ଶ୍ରଦ୍ଧାଳୁଙ୍କ ଗହଳି ଦେଖିବାକୁ ମିଳିଛି । ସେପଟେ ଭିଡକୁ ଦୃଷ୍ଟିରେ ରଖି ମନ୍ଦିର ପରିସରରେ ବ୍ୟାପକ ପୋଲିସ ମୁତୟନ ହେବା ସହ ସୁରୁଖୁରୁରେ ଦର୍ଶନ ପାଇଁ ମନ୍ଦିର ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଥିଲା ।
ଦୀର୍ଘ ଦୁଇବର୍ଷ ପରେ ମହା ଆଡମ୍ବରରେ ସମସ୍ତେ ଇଂରାଜୀ ନୂତନବର୍ଷକୁ ଉତ୍ସବ ମନାଇ ସ୍ବାଗତ କରିଛନ୍ତି । କେହିକେହି ମୁଭି, ସପିଂ ମଲ୍ , ପର୍ଯ୍ୟଟନ ସ୍ଥଳରେ ସପରିବାର ଭୋଜିଭାତ କରୁଥିବାବେଳେ କେହି ଇଷ୍ଟଙ୍କୁ ଦର୍ଶନ କରି ଆଶୀର୍ବାଦ ଲୋଡିଛନ୍ତି । ନୂଆବର୍ଷରେ ଲୋକାରଣ୍ୟ ହୋଇଛି ରାଜଧାନୀ ଭୁବନେଶ୍ବର । ନୂଆବର୍ଷକୁ ନିଆରା ଢଙ୍ଗରେ ପାଳନ କରିବା ପାଇଁ ନନ୍ଦନକାନନରେ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଛି । ସୋମବାର ନନ୍ଦନକାନନ ବନ୍ଦ ରହୁଥିଲେ ବି ଏଥର ନୂଆବର୍ଷକୁ ଆଖି ଆଗରେ ପର୍ଯ୍ୟଟକଙ୍କ ଲାଗି ନନ୍ଦନକାନନ ଖୋଲା ରହିଛି ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨ଫୁଲ ବଜାରରେ ମଧ୍ୟ ଗହଳି ଜମିଛି । ନୂଆବର୍ଷରେ ପ୍ରିୟଜନଙ୍କୁ ଫୁଲ ଓ ଫୁଲତୋଡ଼ା ଦେଇ ଅଭିନନ୍ଦନ ଜଣାଇବାର ପରମ୍ପରା ଥିବାରୁ ରାଜଧାନୀରେ ବିଭିନ୍ନ ସ୍ଥାନର ଫୁଲର ପସରା ମେଲାଇଛନ୍ତି ବ୍ୟବସାୟୀ । କୋଲକାତା, ବେଙ୍ଗାଲୁରୁ ଓ ଥାଇଲାଣ୍ଡରୁ ରାଜଧାନୀକୁ ଆସିଛି ଭଳିକିଭଳି ଫୁଲ । ଅଭୁଲା ଅନୁଭୂତି ସହ ନୂଆବର୍ଷ ଆରମ୍ଭ କରିବାକୁ ସମସ୍ତେ ସଂକଳ୍ପ ନେଉଛନ୍ତି । ନୂତନ ବର୍ଷ ସଭିଙ୍କ ଜୀବନରେ ନୂଆ ଆଶା ଓ ସୁଖ ଭରିଦେବାକୁ ପରସ୍ପରକୁ ଲୋକେ ଶୁଭେଚ୍ଛା ଜଣାଉଚନ୍ତି ।