କେନ୍ଦୁଝର:  ଦ୍ରୁତ ଗତିରେ ବାଇକ ଚଳାଇବା ହେଲା କାଳ । ଦୁର୍ଘଟଣାରେ ଚାଲିଗଲା ଯୁବକଙ୍କ ଜୀବନ । ଦୁର୍ଘଟଣାର ଦୃଶ୍ୟ ସିସିଟିଭିରେ କଏଦ ହୋଇଛି । ଆନନ୍ଦପୁର ଉପଖଣ୍ଡ ଘଷିପୁରାଥାନା ଖାଳିଆମେଣ୍ଟା ଗାଁ ରାସ୍ତାରେ  ଦ୍ରୁତ ଗତିରେ ବୁଲେଟ୍ ମୋଟର ସାଇକେଲ ଚଳାଇ ଯାଉଥିବା ଦୁଇ ଯୁବକ ନିୟନ୍ତ୍ରଣ ହରାଇ ରାସ୍ତା କଡରେ ଥିବା ଏକ ବୋରୱେଲକୁ ଧକ୍କା ଦେଇଥିଲେ । ଏହି ଦୁର୍ଘଟଣାର ଲୋମଟାଙ୍କୁରା ଦୃଶ୍ୟ ସ୍ଥାନୀୟ ଏକ ସିସିଟିଭିରେ କଏଦ ହୋଇଛି ।  

ଦୁର୍ଘଟଣା ପରେ ସ୍ଥାନୀୟ ଲୋକେ ଉଭୟ ବାଇକ୍ ଆରୋହୀଙ୍କୁ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିବା ପରେ ସେଠାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା । ହେଲେ କଟକ ସ୍ଥାନାନ୍ତର କରିବା ବାଟରେ ଜଣଙ୍କର ମୃତ୍ୟୁ ଘଟିଛି । ମୃତକ ଶାଳପଡା ନୁଆକଲୋନୀର ବିଜୟ ଦଳେଇ ବୋଲି ଜଣାପଡିଛି ।  ଗୁରୁତର ଆଭାଷ ଚୌଧୁରୀଙ୍କ ଚିକିତ୍ସା ଏବେ କଟକରେ ଚାଲିଛି । ଉଭୟେ ଗତକାଲି ପଦନପୁର ଗାଁକୁ କୌଣସି କାମରେ ଯାଇ ଫେରିବା ସମୟରେ ଏହି ଦୁର୍ଘଟଣା ଘଟିଥିଲା ।

ମହିଳାଙ୍କ ଉପରେ ଚଢ଼ିଗଲା ଆଇରନ ବୋଝେଇ ଟ୍ରକ