ଅର୍ଗସ ବ୍ୟୁରୋ : ପୁଣି ଅଲୋଡା ହେଲା ଶିଶୁକନ୍ୟା । ଚମ୍ପୁଆ ବସଷ୍ଟାଣ୍ଡର ଏକ ବସ ଚକା ତଳୁ ଏକ ବ୍ୟାଗରୁ ଶିଶୁକନ୍ୟା ଉଦ୍ଧାର । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଚମ୍ପୁଆରେ । ଗତ ରାତି ପ୍ରାୟ ୯ ଟାବେଳେ ଚମ୍ପୁଆ ବସଷ୍ଟାଣ୍ଡରେ ଛିଡା ହୋଇଥିବା ଧବଳେଶ୍ବର ନାମକ ଏକ ଘରୋଇ ବସର ଚକା ତଳୁ ଏହି କନ୍ୟା ସନ୍ତାନକୁ ଉଦ୍ଧାର କରାଯାଇଛି । 

ଅଧିକ ପଢନ୍ତୁ ଓଡ଼ିଶା ଖବର

ବସର ହେଲପର ଗାଡିର ଚକ ଗୁଡିକୁ ଯାଞ୍ଚ କରୁଥିବାବେଳେ ଏକ ପ୍ଲାଷ୍ଟିକ ବ୍ୟାଗ ଭିତରେ ଶିଶୁ କନ୍ୟାଟିକୁ ଦେଖିଥିଲେ । ତେବେ କିଏ ଓ କାହିଁକି ଶିଶୁକନ୍ୟାକୁ ଏଭଳି ଭାବେ ମୃତ୍ୟୁମୁଖରେ ଛାଡ଼ି ଯାଇଥିଲା ସେ ନେଇ କିଛି ଜଣାପଡ଼ିନାହିଁ । ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚି ଶିଶୁକନ୍ୟାକୁ ଉଦ୍ଧାର କରି ନିକଟସ୍ଥ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିବା ସହ ତଦନ୍ତ କରୁଛି । ଚିକିତ୍ସା ପରେ ଶିଶୁକନ୍ୟାର ସ୍ବାସ୍ଥ୍ୟବସ୍ଥା ଭଲ ରହିଥିବା ଡାକ୍ତର କହିଛନ୍ତି । ଉଦ୍ଧାର ଶିଶୁକନ୍ୟାକୁ ଏବେ ଚମ୍ପୁଆ ମେଡ଼ିକାଲର ଏନଆରସି ସେଣ୍ଟରରେ ରଖାଯାଇ ଯତ୍ନ ନିଆଯାଉଛି ।