ଅର୍ଗସ ବ୍ୟୁରୋ : ନେତୃତ୍ବ ଶୂନ୍ୟ ପଟ୍ଟାମୁଣ୍ଡାଇ । ଏକଦା ଓଡିଶା ରାଜନୈତିକ ମାନଚିତ୍ରରେ ସ୍ଵତନ୍ତ୍ର ସ୍ଥାନ ଅଧିକାର କରିଥିଲା ସର୍ବପୁରାତନ ପଟ୍ଟାମୁଣ୍ଡାଇ । ଯାହା ଏବେ ଅବହେଳିତ । ପଟ୍ଟାମୁଣ୍ଡାଇ ନିର୍ବାଚନ ମଣ୍ଡଳୀକୁ ଭାଙ୍ଗି ନୂତନ କରି ତିଆରି ହୋଇଥିଲା ରାଜନଗର ନିର୍ବାଚନ ମଣ୍ଡଳୀ । ରାଜନଗର ନିର୍ବାଚନ ମଣ୍ଡଳୀ ହେବା ଦିନଠାରୁ ଅଧିକାଂଶ ନିର୍ବାଚିତ ପ୍ରତିନିଧି ରାଜନଗରରୁ ହୋଇଥିବାରୁ ପଟ୍ଟାମୁଣ୍ଡାଇର ବିକାଶରେ ବ୍ରେକ ଲାଗିଛି ବୋଲି ସାଧାରଣ ମହଲରେ ଏବେ ଚର୍ଚ୍ଚା ହେବାର ଲାଗିଛି ।

ଅଧିକ ପଢନ୍ତୁ ଓଡ଼ିଶା ଖବର

ଗତ ୨୦୦୯ ସାଧାରଣ ନିର୍ବାଚନରେ ସ୍ଵର୍ଗତ ନଳିନୀକାନ୍ତ ମହାନ୍ତିଙ୍କୁ ପରାସ୍ତକରି ପଟ୍ଟାମୁଣ୍ଡାଇ ଅଞ୍ଚଳର ଯୁବନେତା ଡ.ଅଲେଖ କୁମାର ଜେନା ବିଧାୟକ ଭାବେ ନିର୍ବାଚିତ ହୋଇଥିଲେ । ପରେ ପଟ୍ଟାମୁଣ୍ଡାଇ ଅଞ୍ଚଳର ଜନ ସାଧାରଣଙ୍କ ମନରେ ଥିବା ନିର୍ବାଚନ ମଣ୍ଡଳୀ ଉଚ୍ଛେଦର ଯନ୍ତ୍ରଣା କିଛି ମାତ୍ରାରେ ଉପଶମ ହୋଇଥିଲା । 

୨୦୧୪ସାଧାରଣ ନିର୍ବାଚନରେ ଧୃବ ସାହୁ ବିଜେଡି ପ୍ରାର୍ଥୀ ଭାବେ ପ୍ରତିଦ୍ବନ୍ଦିତା କରି କଂଗ୍ରେସ ପ୍ରାର୍ଥୀ ଅଂଶୁମାନ ମହାନ୍ତିଙ୍କ ଠାରୁ ନିର୍ବାଚନ ହାରି ଯାଇଥିଲେ । ଦୁଇ ମୁଖ୍ୟ ପ୍ରତିଦ୍ବନ୍ଦୀ ରାଜନୈତିକ ଦଳ ବିଜେଡି ଓ କଂଗ୍ରେସ ପ୍ରାର୍ଥ ରାଜନଗର ଅଞ୍ଚଳର ହୋଇଥିବା ବେଳେ ପଟ୍ଟାମୁଣ୍ଡାଇକୁ ନେତୃତ୍ଵ ମିଳିନଥିଲା । ଯାହା ଫଳରେ ପଟ୍ଟାମୁଣ୍ଡାଇକୁ ଅବହଳିତ ହେବାକୁ ପଡ଼ିଥିଲା ।

୨୦୧୯ ସାଧାରଣ ନିର୍ବାଚନରେ ପୁନର୍ବାର ବିଜେଡି ପ୍ରାର୍ଥୀଭାବେ ଧୃବ ସାହୁ ନିର୍ବାଚନ ଲଢ଼ି ବିଧାୟକ ହୋଇଥିଲେ ଏବଂ ପଟ୍ଟାମୁଣ୍ଡାଇ ଅଞ୍ଚଳରୁ ପ୍ରତିଦ୍ବନ୍ଦୀତା କରୁଥିବା ବିଜେପି ପ୍ରାର୍ଥୀ ଡ. ଅଲେଖ ଜେନାଙ୍କୁ ପରାଜୟ ବରଣ କରିବାକୁ ପଡିଥିଲା । ମୋଟା ମୋଟି ଭାବେ ଦଶନ୍ଦିଧରି ରାଜନଗର ଅଞ୍ଚଳର ନେତାଙ୍କ ହାତରେ ପଟ୍ଟାମୁଣ୍ଡାଇର ନେତୃତ୍ବ ରହିଆସିଥିବା ବେଳେ, ପଟ୍ଟାମୁଣ୍ଡାଇର ବିକାଶ ଓ ଭାଗ୍ୟ ନିର୍ଦ୍ଧାରଣର ଦାଇତ୍ଵ ରାଜନଗର ନେତୃତ୍ଵ ହାତରେ ରହିଆସିଛି । ପଟ୍ଟାମୁଣ୍ଡାଇ ଅନେକ ସମୟରେ ଅବହେଳିତ ହୋଉଥିବା ଅଭିଯୋଗ କରି ପଟ୍ଟାମୁଣ୍ଡାଇର ନେତା ମାନେ ପଟ୍ଟାମୁଣ୍ଡାଇର ସ୍ୱାଭିମାନ ଫେରେଇ ଆଣିବାକୁ ଅଣ୍ଟା ଭିଡ଼ିଲେଣି ବୋଲି ଚର୍ଚ୍ଚା ହେଉଛି ।