ଅର୍ଗସ ବ୍ୟୁରୋ : ଗୋମାଂସ ଭକ୍ଷଣକାରୀ କାମିଆ ଜାନିଙ୍କ ପବିତ୍ର ଶ୍ରୀମନ୍ଦିର ପ୍ରବେଶକୁ ନେଇ ଥମିବାର ନାଁ ନେଉନି ବିବାଦ । ଆହାତ ହୋଇଛି କୋଟି କୋଟି ଜଗନ୍ନାଥ ପ୍ରେମୀଙ୍କ ଭାବାବେଗ । ଓଡ଼ିଶାର କୋଣ ଅନୁକୋଣରେ ଏହାକୁ ନେଇ ଅସନ୍ତୋଷ ଦାନା ବାନ୍ଧୁଥିବା ବେଳେ ଅନେକ ସଂଗଠନ କାମିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ରାସ୍ତାକୁ ଓହ୍ଲାଇଲେଣି । ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ଅଭିଯାନ ପକ୍ଷରୁ ସାରା ରାଜ୍ୟରେ ଯୋରଦାର ପ୍ରତିବାଦ କରାଯାଇଛି । ଜଗନ୍ନାଥ ସଂସ୍କୃତି ନଷ୍ଟକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛି ଅଭିଯାନ । ସପେଟେ କାମିଆ ଜାନି ଶ୍ରୀମନ୍ଦିରରେ ପ୍ରବେଶ ବିରୋଧରେ ଶ୍ରୀଜଗନ୍ନାଥ ସେନା ପକ୍ଷରୁ ପୁରୀ ସିଂହଦ୍ଵାର ଥାନାରେ ଦିଆଯାଇଛି ଏତଲା । ଉଭୟ କାମିୟା ଜାନି ଓ ତାଙ୍କୁ ଶ୍ରୀମନ୍ଦିର ଭିତରକୁ ସାଙ୍ଗରେ ନେଇଥିବା ବିଜେଡି ନେତା ଭି. କେ ପାଣ୍ଡିଆନଙ୍କ ବିରୋଧରେ ଏତଲା ଦେଇଛି ଶ୍ରୀଜଗନ୍ନାଥ ସେନା । ବିଜେପି ମଧ୍ୟ ପାଣ୍ଡିଆନଙ୍କ ଗିରଫ ଦାବି କରିଛି ।

ସେପଟେ ଶ୍ରୀମନ୍ଦିର ନିୟମଭଙ୍ଗକାରୀଙ୍କ ସ୍ପଷ୍ଟୀକରଣ ଶୁଣି ତୁନି ସାଜିଛନ୍ତି ସରକାର । ତୁନି ସାଧିଛି ଶ୍ରୀମନ୍ଦିର ପ୍ରଶାସନ । କୋଟିକୋଟି ଓଡ଼ିଆଙ୍କ ମଉଡ଼ମଣିଙ୍କ ପ୍ରତି ରାଜ୍ୟ ସରକାରଙ୍କ ଇଏ କି ମନୋଭାବ । ତାକୁ ନେଇ ପ୍ରଶ୍ନ କରିଛି ବିଜେପି । ବିଜେପି  ଲେଖାଶ୍ରୀ ସାମନ୍ତସିଂହାର ଟ୍ବିଟ୍ କରି ରାଜ୍ୟରେ କଳାପାହାଡ଼ର ଇତିହାସ ଦୋହରାଯାଉଛି କହି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ଖାଲି ରାଜ୍ୟରେ କାହିଁକି  ରାଜ୍ୟ ବାହାରେ ବି ଦେଖା ଦେଲାଣି ତୀବ୍ର ଅସନ୍ତୋଷ । ଜାତୀୟ ସ୍ତରର ଖ୍ୟାତନାମା ୟୁଟ୍ୟୁବର୍ ଅଭିଜିତ ଭାରତୀ କାମ୍ୟାଙ୍କ ଗୋମାଂସ ଭକ୍ଷଣ ସ୍ପଷ୍ଟୀକରଣକୁ ନେଇ ଉଠାଇଛନ୍ତି ପ୍ରଶ୍ନ । 

ଅଧିକ ପଢନ୍ତୁ ଓଡ଼ିଶା ଖବର

ସେ କହିଛନ୍ତି, ଓଡିଶାରେ ଏକ ଆଞ୍ଚଳିକ ରାଜନୈତିକ ଦଳର ୨୪ବର୍ଷର ସ୍ଥିର ନେତୃତ୍ବ । ତା ବୋଲି କଣ ନେତା ବଡ ହୋଇଗଲେ ଆଉ ମହାପ୍ରଭୁ ଛୋଟ ? ଉତ୍କଳ ମଣିଙ୍କ ଠାରୁ କିଏ କଣ ବଡ ନେତା ଓଡିଶାରେ । ଉତ୍କଳମଣି ଲେଖିଥିଲେ ଉତ୍କଳେ ନେତାର ନାହିଁ ପ୍ରୟୋଜନ, ଉତ୍କଳର ନେତା ସ୍ବୟଂ ନାରାୟଣ । ନେତା ଆସିବେ ଯିବେ । ଆହୁରି ଆସିବେ, ମାତ୍ର ଅନାଦି ଅନନ୍ତ କାଳରୁ ମହାପ୍ରଭୁ ଅଛନ୍ତି । ଆଉ ଅନାଦି ଅନନ୍ତ କାଳପର୍ଯ୍ୟନ୍ତ ମହାପ୍ରଭୁ ରହିବେ । ମହାପ୍ରଭୁଙ୍କ ଅଭୟ ନେତୃତ୍ବରେ, ଚଉବାହାର ଓ ଚକାଆଖିର ଆଶୀର୍ବାଦରେ ଏହି ଜାତି ରହିଛି ରହିବ । 

ମହାପ୍ରଭୁଙ୍କ ଅପମାନ ସହିବ ନାହିଁ ଓଡିଆ ଜାତି । ମହାପ୍ରଭୁଙ୍କୁ ଅପମାନର ପରମ ଦୁଃଖ ସହିତ ଆଞ୍ଚଳିକ ଦଳର ନେତାଙ୍କ ଅହେତୁକ ନୀରବତା ଓଡିଆଙ୍କ ମନରେ ଭରିଛି କ୍ରୋଧ ଓ କୋହ । ଗୋମାଂସ ପ୍ରବକ୍ତା ତ ନିମିତ ମାତ୍ର । ଗୋମାଂସ ପ୍ରବକ୍ତା ଯାହା ସୁରକ୍ଷାରେ ଶ୍ରୀମନ୍ଦିର ଭିତରକୁ ପ୍ରଚାର ପାଇଁ ଗଲେ ତାଙ୍କ ପାଟିରେ କାହିଁକି ତୁଣ୍ଡି ? ସଂପୃକ୍ତ ନୂଆ ନେତାଙ୍କ ପ୍ରଚାର ପାଇଁ ଆସିଥିଲେ କି ଗୋମାଂସ ପ୍ରବକ୍ତା ? ଯୋଜନା ବଦ୍ଧ ଭାବରେ ତାଙ୍କୁ ସବୁଜ ପୋଷାକ ପିନ୍ଧିବାର କରାଯାଇଥିଲା କି ଯୋଜନା ? ଦଳୀୟ ସ୍ବାର୍ଥ ଆଗରେ ନ୍ୟୁନ ହେଲେକି ଓଡିଆ ଜାତିର ଇଷ୍ଟ କଳା ଠାକୁର ? ଆଜି ଅରୁଣ ସ୍ତମ୍ବ ସାକ୍ଷୀ । ୨୨ ପାହାଚ ସାକ୍ଷୀ। ମା ବିମଳା ମା କମଳା ସାକ୍ଷୀ। ପତିତ ପାବନ ସାକ୍ଷୀ । ଆନନ୍ଦ ବଜାର ସାକ୍ଷୀ । ଗୋମାଂସ ପ୍ରବକ୍ତାଙ୍କ ଶ୍ରୀମନ୍ଦିର ପ୍ରବେଶ । ଓଡିଆ କହୁଛି ଚକା ଆଖି ସବୁ ଦେଖୁଛି ।