ଅର୍ଗସ ବ୍ୟୁରୋ : ପୁଣିଥରେ ଚିକିତ୍ସା ଅବହେଳାରୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆହତଙ୍କ ମୃତ୍ୟୁ ଅଭିଯୋଗ। ଜିଲ୍ଲା ମୁଖ୍ୟ ଚିକିତ୍ସାଳୟରେ ଚାପା ଉତ୍ତେଜନା । ଆଜି ସକାଳେ ଏୟାରପୋର୍ଟ ଥାନା ଅନ୍ତର୍ଗତ ତାଳପଟିଆ ଛକ ନିକଟରେ ଏକ ବ୍ରେକ୍ ଡାଉନ୍ ହୋଇଥିବା ଟ୍ରକ ପଛରେ ଏକ ଅଟୋ ଧକ୍କା ହୋଇ ଯାଇଥିଲା । ଏହି ଘଟଣାରେ ଅଟୋ ଚାଳକ ସ୍ଥାନୀୟ କବରସ୍ଥାନ ପଡ଼ାର ଗୋବିନ୍ଦ ସାହୁ ଗୁରୁତର ଆହତ ହୋଇଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ପୋଲିସ୍ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରିଥିଲା । ତେବେ ଗୋବିନ୍ଦଙ୍କୁ ହସ୍ପିଟାଲରେ କେବଳ ପଟି ବାନ୍ଧି ଦିଆ ଯାଇଥିବା ବେଳେ ଅକ୍ସିଜେନର ଆବଶ୍ୟକତା ଥାଇ ମଧ୍ୟ ତାହା ଦିଆ ଯାଇନଥିଲା ବୋଲି ଅଭିଯୋଗ ଆଣିଛନ୍ତି ପରିବାର ଲୋକ । କେବଳ ସେତିକି ନୁହେଁ ବରଂ ଗୋବିନ୍ଦଙ୍କ ଚିକିତ୍ସା ପାଇଁ କେହି ଡାକ୍ତର କି ନର୍ସ ଆସିନଥିବା ଅଭିଯୋଗ ହୋଇଛି। ।