ଅର୍ଗସ ବ୍ୟୁରୋ : କଟକ ଜଗତପୁର ପୂର୍ବକଚ୍ଛରେ ପଞ୍ଚମ ଶ୍ରେଣୀ ଛାତ୍ର ଜୋତିପ୍ରକାଶ ବେହେରାକୁ ଗଳା କାଟି ନିର୍ମମ ହତ୍ୟା ଘଟଣାର ପର୍ଦାଫାସ କରିଛି କମିଶନରେଟ ପୋଲିସ । ଶାରିରୀକ ଶୋଷଣ ଲୁଚାଇବାକୁ ଯାଇ ଏହି ହତ୍ୟାକାଣ୍ଡ ହୋଇ ଥିଲା ଏବଂ ନାବାଳକ ଜଣକୁ ହତ୍ୟା ଅଭିଯୋଗରେ ସେହି ଗାଁ ବାସିନ୍ଦା ବାବୁଲି ପଣ୍ଡା ନାମକ ଜଣେ ଯୁବକକୁ ଗିରଫ କଲା ଜଗତପୁର ଥାନା ପୋଲିସ । ଗତ ୧୬ ତାରିଖ ରାତିରେ ନାବାଳକ ଜ୍ୟୋତିପ୍ରକାଶ ଙ୍କୁ ହତ୍ୟା କରିଥିଲା ଅଭିଯୁକ୍ତ ବାବୁଲି । ଧାନ କଟା ଦା"ରେ ଅତି ନିର୍ମମ ଭାବେ ବେକକୁ କାଟି ହତ୍ୟା କରି ଥିଲା ଅଭିଯୁକ୍ତ ।

ଆଜି ସକାଳୁ ଅଭିଯୁକ୍ତ ବାବୁଲିକୁ ଘଟଣାସ୍ଥଳକୁ ନେଇ କ୍ରାଇମସିନ ରିକ୍ରିଏସନ କରିଛି ପୋଲିସ । ଅଭିଯୁକ୍ତ ଜଣକ ଦୀର୍ଘ ଦିନ ଧରି ମୃତ ଛାତ୍ର ଜୋତିପ୍ରକାଶକୁ ଶାରୀରିକ ଶୋଷଣ କରି ଆସୁ ଥିଲା । ଅନ୍ୟ ଦିନ ଭଳି 16 ତାରିଖ ରାତିରେ ମଧ୍ୟ ବାବୁଲି ଜୋତିପ୍ରକାଶକୁ ସ୍ଥାନୀୟ ଅଂଚଳରେ ଥିବା ଏକ ପରିତ୍ୟକ୍ତ ଘର ମଧ୍ୟକୁ ଡାକି ଥିଲା ।

ଅଧିକ ପଢନ୍ତୁ ଓଡ଼ିଶା ଖବର

ଶାରୀରିକ ଶୋଷଣର ଶିକାର ହେଉଥିବା ଜୋତିପ୍ରକାଶ ଏନେଇ ନିଜ ଘର ଲୋକଙ୍କୁ କହିବ ବୋଲି ଧମକ ଦେବା ପରେ ଏହା ଶୁଣି ଅଭିଯୁକ୍ତ ବାବୁଲି ପ୍ରଥମେ ଜୋତିପ୍ରକାଶକୁ ଏକ କାଠ ଫାଳିଆରେ ଆକ୍ରମଣ କରି ଥିଲା । ଏବଂ ଜୋତିପ୍ରକାଶ ବେହୋସ ହୋଇ ଯିବା ପରେ ଏକ ଧାନ କଟା ଦା' ସାହାଯ୍ୟରେ ତାର ବେକକୁ କାଟି ଦେଇ ଥିଲା । ଏହା ପରେ ମୃତ ଦେହକୁ ଘୋଷାରି ଘୋଷାରି ନେଇ ବିଲ ହୁଡ଼ାରେ ଫିଙ୍ଗି ଚାଲି ଯାଇଥିଲା । ଆଜିର କ୍ରାଇମସିନ ରିକ୍ରିଏସନ ସମୟରେ ଅଭିଯୁକ୍ତ ବାବୁଲା ସମସ୍ତ କଥାକୁ ବଖାଣି ଥିଲା ।

Argus English | argus english | Odisha Latest News, Breaking News, Trending News, Live TV