ଅର୍ଗସ ବ୍ୟୁରୋ : ପଦାରେ ପଡ଼ିଲା ରାଜ୍ୟ ସରକାରଙ୍କ ଅଣ ଓଡ଼ିଆ ମାନସିକତା । ପୁରୀରେ ଜଗା ଦର୍ଶନ ପାଇଁ ବରିଷ୍ଠଙ୍କୁ କରୁଛନ୍ତି ବାରଣ ଅଥଚ ସେହି ବୟସ୍କଙ୍କୁ ନେଇ ଅନ୍ୟ ରାଜ୍ୟରେ କରାଉଛନ୍ତି ଦେବ ଦର୍ଶନ । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ବୟାନ ପରେ ରାଜ୍ୟ ସରକାରଙ୍କ ଜଗନ୍ନାଥ ପ୍ରୀତି ଉପରେ ଉଠିଛି ପ୍ରଶ୍ନବାଚୀ । 

ଅଧିକ ପଢନ୍ତୁ : ଆଜିଠୁ ଆରମ୍ଭ ପବିତ୍ର ମହାପଞ୍ଚକ ବ୍ରତ

ରାଜ୍ୟର ବରିଷ୍ଠ ନାଗରିକଙ୍କ ପାଇଁ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା କରୁଛନ୍ତି ସରକାର । ବୟସାଧିକଙ୍କୁ ନେଇ ଅନ୍ୟ ରାଜ୍ୟରେ ଦେବ ଦର୍ଶନ କରାଉଛନ୍ତି । ଅଥଚ ନିଜ ରାଜ୍ୟର ଆରାଧ୍ୟ ଦେବତା ମହାପ୍ରଭୁ ଜଗନ୍ନାଥଙ୍କ ଦର୍ଶନ ପାଇଁ ସେମାନଙ୍କୁ କାହିଁକି ବାରଣ କରୁଛନ୍ତି ସରକାର । କାର୍ତ୍ତିକ ଭଳି ପୂଣ୍ୟ ମାସରେ କାହିଁକି ବରିଷ୍ଠ ଭକ୍ତଙ୍କୁ ଜଗା ଦର୍ଶନକୁ ବଞ୍ଚିତ କରିବାକୁ ହେଉଛି ଷଡ଼ଯନ୍ତ୍ର । ଏହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।