ଲୋକଙ୍କ ରିଆକ୍ସନ ପରେ ଜିଲ୍ଲାପାଳ ମ୍ୟାଡ଼ମଙ୍କ ଆକ୍ସନ
ସଙ୍ଗେ ସଙ୍ଗେ ଅଭିଯୋଗ ପାଇଲେ ସଙ୍ଗେ ସଙ୍ଗେ ନିଲମ୍ବନ କଲେ
ଯୋଗାଣ ସହାୟକଙ୍କୁ ମହଙ୍ଗା ପଡିଲା ଚାଉଳ ହେରଫେର କରିବା
ସାତ ମାସର ଚାଉଳ କୁଆଡେ ଗଲା ତାକୁ ନେଇ ଉଠିଚି ପ୍ରଶ୍ନ ?

ଅର୍ଗସ ବ୍ୟୁରୋ : କେନ୍ଦ୍ର ସରକାର ଗରିବ ଲୋକଙ୍କ ପାଇଁ ଟଙ୍କିକିଆ ଚାଉଳ ଯୋଜନା କରିଛନ୍ତି । କିନ୍ତୁ ଓଡ଼ିଶାରେ କିଛି ଅସାଧୁ କର୍ମଚାରୀଙ୍କ ପାଇଁ ଗରିବ ହିତାଧିକାରୀ ଠିକ ସମୟରେ ଚାଉଳ ପାଇ ପାରୁନାହାନ୍ତି । ଚାଉଳ ନପାଇ ହଇରାଣ ହେଉଛନ୍ତି ଗରିବ ଲୋକେ । ଏଭଳି ଘଟଣା ଦେଖିବାକୁ ମିଳିଛି ବରଗଡ଼ ବ୍ଲକ ତୋରା ପଞ୍ଚାୟତରେ ।

ଦୀର୍ଘ ୭ ମାସ ହେବ ଚାଉଳ ନପାଇ ଏହି ୱାର୍ଡର ଲୋକେ ହନ୍ତସନ୍ତ ହେଉଥିବା ଅଭିଯୋଗ କରିଛନ୍ତି । ସ୍ତାନୀୟ ସରପଞ୍ଚ ଓ ଯୋଗାଣ ସହାୟକ ଲୋକଙ୍କ ଠାରୁ ଆଇ ସ୍କାନ, ଫିଙ୍ଗର ପ୍ରିଣ୍ଟ ଓ ରାସନ ଖାତାରେ ଦସ୍ତଖତ ନେଇ ଚାଉଳ ଦେଉନଥିଲେ ତାସହ ଦିନ ପରେ ଦିନ ସମୟ ଦେଇ ଚାଲିଥିଲେ । ଯାହାକୁ ନେଇ ଅଭିଯୋଗ କରିଛନ୍ତି ଚାଉଳ ପାଉନଥିବା ହିତାଧିକାରୀ ମାନେ । କୁଆଡେ ଗଲା ତାଙ୍କ ଚାଉଳ ନେଇ କରିଛନ୍ତି ପ୍ରଶ୍ନ ।

ବାରମ୍ବାର ସରପଞ୍ଚ ଓ ଯୋଗାଣ ସହାୟକଙ୍କୁ କହିଲା ପରେ ମଧ୍ୟ କିଛି ସୁଫଳ ମିଳିନଥିଲା । ଶେଷରେ ବାଧ୍ୟ ହୋଇ ଆଜି ଗାଁ ଲୋକେ ପ୍ରଥମେ ଜିଲ୍ଲା ଯୋଗାଣ ଅଫିସ ଓ ପରେ ବରଗଡ଼ ଜିଲ୍ଲାପାଳଙ୍କୁ ଭେଟି ନିଜର ସମସ୍ୟା ଜଣାଇଥିଲେ । ଗାଁ ଲୋକଙ୍କ ଠାରୁ ଅଭିଯୋଗ ଶୁଣିବା ପରେ ସଙ୍ଗେ ସଙ୍ଗେ ଯୋଗାଣ ସହାୟକଙ୍କ ଉପରେ ଆକ୍ସନ ନେବା ପାଇଁ ନିର୍ଦ୍ଦେଶ ଦେଇଥିଲେ ଜିଲ୍ଲାପାଳ । ତୁରନ୍ତ ଯୋଗାଣ ସହାୟକଙ୍କୁ ନିଲମ୍ବନ କରିବା ସହ ହିତାଧିକାରୀଙ୍କୁ ସାତ ମାସର ଚାଉଳ ଯୋଗେଇ ଦେବାପାଇଁ ଯୋଗାଣ ବିଭାଗକୁ ନିର୍ଦ୍ଦେଶ ଦେଇଛନ୍ତି । ବାରମ୍ବାର ରାଜ୍ୟରେ ଏଭଳି ଘଟଣା ସାମ୍ନାକୁ ଆସୁଥିଛି । କିଭଳି ଏପରି ଘଟଣା ଆଗକୁ ନ ଘଟିବ ତା ଉପରେ ଜିଲ୍ଲା ପ୍ରଶାସନ ଓ ରାଜ୍ୟ ସରକାର କି ପଦକ୍ଷେପ ନେଉଛନ୍ତି ତାହା ଉପରେ ନଜର ।

Argus English | argus english | Odisha Latest News, Breaking News, Trending News, Live TV