ଅର୍ଗସ ବ୍ୟୁରୋ : ଦିନଥିଲା ବିବାହ ପାଇଁ ବର କନ୍ୟାଘରକୁ ବରଯାତ୍ରୀ ନେଇ ଶଗଡ଼ରେ ଆସୁଥିଲା, ପାଲିଙ୍କି କିମ୍ବା ଘୋଡ଼ା ଗାଡ଼ିରେ ବସି ଆସୁଥିଲେ । ଏପରି କି ନଦୀକୂଳିଆ ଲୋକମାନେ ଡଙ୍ଗାରେ ବର ନେଇ ବିବାହ ପାଇଁ କନ୍ୟାଘରେ ପହଞ୍ଚୁଥିଲେ । ହେଲେ ଆଜିର ସଭ୍ୟ ସମାଜରେ ସେହି ପରମ୍ପରାରେ ବହୁ ପରିବର୍ତ୍ତନ ଆସିଛି । ଏବେ ବରଯାତ୍ରୀ ଶୋଭାଯାତ୍ରାରେ ଦାମୀ ଗାଡ଼ି, ଘୋଡ଼ା, ହାତୀର ବି ବ୍ୟବହାର କରାଯାଉଛି । କେହି କେହି ବିମାନରେ ବିବାହ ଉତ୍ସବ ପାଳନ କରୁଛନ୍ତି । ହେଲେ ମୟୂରଭଞ୍ଜ ଜିଲ୍ଲା କପ୍ତିପଦା ଅଞ୍ଚଳରେ ଦେଖୁବାକୁ ମିଳିଛି ନିଆରା ଦୃଶ୍ୟ । ବିବାହ ପାଇଁ ଜଣେ ଯୁବକ ଜେସିବିରେ ବସି ଆସିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।

ଜୀବନରେ ଥରେ ସମସ୍ତେ ବିବାହ କରନ୍ତି । ଅନେକଙ୍କର ଥାଏ ଇଚ୍ଛା ଓ ସଉକ୍ । କେହି କେହି ବିବାହକୁ ସ୍ମରଣୀୟ କରିବାକୁ ପଛାନ୍ତିନି । କିଏ ଦାମୀ ଗାଡ଼ିକୁ ଫୁଲରେ ସଜାଇ ବରଯାତ୍ରୀ ଯାଏ ତ ଆଉ କିଏ ଘୋଡ଼ା ଗାଡ଼ିରେ ବସି କନ୍ୟାକୁ ଆଣିବାକୁ ଯାଏ । ସେ ପୁଅ ହେଉ ବା ଝିଅ । କିନ୍ତୁ କପ୍ତିପଦା ନୂଆସାହି ବଜାରରେ ଦେଖିବାକୁ ମିଳିଛି ଏକ ନିଆରା ବାହାଘର । ନିଆରା ବିବାହ ସାଙ୍ଗକୁ ନିଆରା ବରଯାତ୍ରୀ ମଧ୍ୟ ।

ଗାଡ଼ି ନୁହେଁ କୁ ଘୋଡ଼ା ନୁହେଁ ଜେସିବିରେ ଯାଇଛି ବର । ନୂଆସାହି ଗ୍ରାମର ଜ୍ଞାନ ବିଶ୍ୱାଳଙ୍କ ପୁଅ ଅଭିଜିତ ବିଶ୍ୱାଳ ଏମିତି ନିଆରା ବିବାହ କରିଛନ୍ତି । ହେଲେ ସେଠାକୁ ବର ଗାଡ଼ି କିମ୍ବା ଘୋଡ଼ାରେ ନ ଯାଇ ଏକ ଜେସିବିରେ ଯାଇଥିଲା କନିଆଁ ଘର ଅଭିମୁଖେ । ଏପରି ଏକ ନିଆରା ବରଯାତ୍ରୀ ଦେଖି ଲୋକେ ବି ଆଶ୍ଚର୍ଯ୍ୟ ହେବା ସହ, ଏପରି ନିଆର ପ୍ରୟାସକୁ ସମସ୍ତେ ସ୍ବାଗତ ମଧ୍ୟ କରିଥିଲେ । ନିଜ ବାହାଘରକୁ କିଛି ନୂଆ ରୂପରେ କରିବା ସହିତ ସବୁଦିନ ପାଇଁ ଏହି ପବିତ୍ର ଦିନକୁ ସମସ୍ତଙ୍କ ମନରେ ଅଭୁଲା ସ୍ମୃତି କରି ରଖିବାକୁ ଏପରି ଏକ ନିଆରା ପ୍ରୟାସ କରିଛନ୍ତି ବର ।