ଅର୍ଗସ ବ୍ୟୁରୋ: ଅର୍ଗସ୍ ପ୍ରଭାବ । ଖବର ପ୍ରସାରଣ ପରେ ବ୍ରହ୍ମଗିରିର ଘଟକୁଦି ଗାଁରେ ବନବିଭାଗର ଚଢାଉ । ୧୪ଟି ମଲା ବିଦେଶୀ ପକ୍ଷୀ ସହ ବିପୁଳ ପରିମାଣର ବିଷ ଏବଂ ଖାଦ୍ୟ ଜବତ କରିଛି ବନବିଭାଗ । ଜଣେ ନାବାଳକକୁ ଗିରଫ କରିବା ସହ ଗୋଟିଏ ସ୍କୁଟି ଏବଂ ମୋବାଇଲ୍ ଜବତ କରିଛି ବନବିଭାଗ । ଘଟଣାରେ ସଂପୃକ୍ତ ଅନ୍ୟ ୨ ଜଣ ଘଟଣାସ୍ଥଳରୁ ଫେରାର ହୋଇଯାଇଥିବା ବ୍ରହ୍ମଗିରି ରେଞ୍ଜର ସୂଚନା ଦେଇଛନ୍ତି ।

ବିଦେଶୀ ପକ୍ଷୀ ଶିକାର ଏବଂ ବିକ୍ରି ବେଳର ଭିଡିଓ ଅର୍ଗସ୍ ନ୍ୟୁଜରେ ପ୍ରସାରଣ ହୋଇଥିଲା । ବ୍ରହ୍ମଗିରି ବ୍ଲକରେ ବିଦେଶୀ ପକ୍ଷୀ ଶିକାରର ହଟସ୍ପଟ୍ ପାଲଟିଥିବା ଘଟକୁଦି, କାଣ୍ଡଗୋଦା, କୁଶୁବେଣ୍ଟି ପଞ୍ଚାୟତରେ ସ୍ୱତନ୍ତ୍ର ପ୍ରାଟୋଲିଂ କରିବାକୁ ଲୋକେ ଦାବି କରୁଛନ୍ତି । ବନବିଭାଗ ଏବଂ ଶିକାରୀଙ୍କ ମଧ୍ୟରେ ସୁ-ସମ୍ପର୍କ ଥିବା ଯୋଗୁ ବ୍ରହ୍ମଗିରିରେ ଦିନକୁ ଦିନ ପକ୍ଷୀ ଶିକାର ବୃଦ୍ଧି ପାଉଥିବା ପକ୍ଷୀ ପ୍ରେମୀ ଅଭିଯୋଗ କରିଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର: