ବ୍ରହ୍ମପୁର:  ମୁଖ୍ୟମନ୍ତ୍ରୀଙ୍କ ଜିଲ୍ଲାରେ ଥମୁନି ବିଜେଡି ବିବାଦ ।  ପୁଣିଥରେ ପଦାରେ ପଡିଲା ଦଳୀୟ କନ୍ଦଳ । ଛତ୍ରପୁର ବିଧାୟକଙ୍କ ବିରୋଧରେ ମେଳି ବାନ୍ଧି ଖୁଲମ ଖୁଲା ବିରୋଧ କଲେ ନିଜ ଦଳର ବରିଷ୍ଠ ନେତା ଏବଂ କର୍ମୀ । ଜୋର ଧରିଛି "ସୁବାଷ ହଟାଅ ବିଜେଡି ବଞ୍ଚାଅ" ଅଭିଯାନ । ବନ୍ଧୁମିଳନ କାର୍ଯ୍ୟକ୍ରମ କରି ବିଧାୟକଙ୍କ ବିରୋଧରେ ବିଷ ଓଗାରିଛନ୍ତି ପୁରୁଖା ନେତା ଏବଂ ୪୦ ଜଣ ଜନପ୍ରତିନିଧି । 

ବିଜେଡି ଜିଲ୍ଲା ଉପସଭାପତି ଶଙ୍କର ଦାସଙ୍କ ନେତୃତ୍ବରେ ଆୟୋଜିତ କାର୍ଯ୍ୟକ୍ରମରେ ଛତ୍ରପୁର ବିଧାୟକ ସୁବାଷ ବେହେରାଙ୍କ ଉପରେ ଅସନ୍ତୋଷ ପ୍ରକାଶ କରି ଗୋଟିଏ ପରେ ଗୋଟିଏ ନେତା ନିଜର ଅଭିଭାଷଣ ରଖିଥିଲେ । ଏପରିକି ବିଧାୟକଙ୍କୁ ଅନେକ ପ୍ରକାର କଟାକ୍ଷ କରି ଅଭିଭାଷଣ ରଖିଥିଲେ ନେତା । କରୋନା ପରଠାରୁ ବିଧାୟକ କେବେ ଲୋକଙ୍କ ନିକଟରେ ପହଞ୍ଚି ନାହାନ୍ତି କି ଜନତାଙ୍କ ଦୁଃଖ ସୁଖରେ ଭାଗିଦାରୀ ହୋଇନଥିବାରୁ ବଢ଼ିଛି ଅସନ୍ତୋଷ । ଏବେ ଯଦି ପୁଣିଥରେ ତାଙ୍କୁ ଟିକେଟ ମିଳେ ତେବେ ଦଳ ସଙ୍କଟରେ ପଡ଼ିବ ବୋଲି କହିଛନ୍ତ ବରିଷ୍ଠ ନେତା ଲକ୍ଷ୍ମୀ ପାଢ଼ୀ ।

ଆହୁରି ପଢନ୍ତୁ ଓଡିଶା ଖବର...