ଅର୍ଗସ ବ୍ୟୁରୋ: ଓଡ଼ିଆ ପିଲା କେଉଁଥିରେ କମ୍‌ ନୁହେଁ । ସୁଯୋଗ ପାଇଲେ ସ୍ଵର୍ଗକୁ ନିସୁଣୀ ଲଗାଇ ଦେବାର ଜୋସ୍‌ ଆମ ପାଖରେ ଅଛି । ଡ୍ରୋନଠୁ ଆରମ୍ଭ କରି AI ତିଆରି କରିବାରେ ଓଡ଼ିଆ ପୁଅ ପାରଙ୍ଗମ । କେବଳ ସୁଯୋଗକୁ ଆମେ କରିଥାଉ ଅପେକ୍ଷା (ALFA) ...ଗତକାଲି ଜଟଣୀରେ କେନ୍ଦ୍ରୀୟ ଅନୁଷ୍ଠାନର ଭିତ୍ତିପ୍ରସ୍ତର ସ୍ଥାପନ ବେଳେ କିଛି ଏମିତି କହିବା ସହିତ ଆମେ ଚାକିରି ଦେବା ବୋଲି କହିଥିଲେ ଧର୍ମେନ୍ଦ୍ର । ଆଉ ଧର୍ମେନ୍ଦ୍ରଙ୍କ ଆହ୍ଵାନ ପରେ ଓଡ଼ିଆ ପିଲାଙ୍କୁ କିଏ କେତେ ନିଯୁକ୍ତି ଦେଇଛି ସେନେଇ ଟ୍ଵିଟର ଆରମ୍ଭ ହୋଇଯାଇଥିଲା ଉତ୍ତର ।

ଯୁବ ଉଦ୍ୟୋଗୀ ସାକ୍ୟସିଂହ ମହାପାତ୍ର ୪୬ ପିଲାଙ୍କୁ ନିଯୁକ୍ତି ଦେଇଥିବା କହିବା ସହିତ ଆମେ ଓଡ଼ିଆ ପିଲା, ଓଡ଼ିଶାରେ ହିଁ ନିଯୁକ୍ତି ସୃଷ୍ଟି କରିବା ବୋଲି କହିଥିଲେ । ସାକ୍ୟ ୪୬ ପିଲାଙ୍କୁ ଚାକିରି ଦେଇଥିବା ବେଳେ ସାତୱିକ ୧୫୦ ପିଲାଙ୍କୁ ନିଯୁକ୍ତି ଦେଇଛନ୍ତି । ଠିକ୍‌ ସେହପରି ରୋସନ ୩୦ ପିଲାଙ୍କ ଲାଗି ସୃଷ୍ଟି କରିଛନ୍ତି ନିଯୁକ୍ତି ସୁଯୋଗ । ଏହାସହ ସ୍ଵପନିଲ ୯୦ରୁ ଅଧିକ ପିଲାଙ୍କ ଲାଗି ନିଯୁକ୍ତ ସୁଯୋଗ ସୃଷ୍ଟି କରିଥିବା କହିଥିଲେ । କେବଳ ଏମାନେ ନୁହନ୍ତି ବରଂ ଅମିତ, ତ୍ରିଲୋଚନ, ପ୍ରଭାତଙ୍କ ପରି ବ୍ୟକ୍ତି ନିଯୁକ୍ତି ସୁଯୋଗ ସୃଷ୍ଟି କରିଥିବା କହିଛନ୍ତି ।

ଗତକାଲି ଜଟଣୀରେ ପଦନପୁରରେ NSTIର ଭିତ୍ତିପ୍ରସ୍ତର ସ୍ଥାପନ ଉତ୍ସବରେ ଧର୍ମେନ୍ଦ୍ର ଓଡ଼ିଆଙ୍କ ପାଇଁ କେତେ ଚିନ୍ତିତ ତାହା ତାଙ୍କ ଭାଷଣରୁ ହିଁ ସ୍ପଷ୍ଟ ବାରି ହୋଇ ପଡିଥିଲା । କାରଣ ଧର୍ମେନ୍ଦ୍ର କହିଥିଲେ, ଏବେ ସବୁଠି ଓଡିଆଙ୍କ ଦବଦବା । ଓଡ଼ିଶା ବିକଶିତ ହେଲେ ଭାରତ ବିକଶିତ ହେବ । ଦକ୍ଷ ପ୍ରଶିକ୍ଷକ ବାହାରିଲେ ପିଲାଙ୍କ ଦକ୍ଷତା ବଢ଼ିବ । ଆଗାମୀ ଦିନରେ ଆମ ଓଡିଆ ପିଲା ଚାକିରି ଦେବେ । ଧର୍ମପଦ ହେବେ । ନୂଆ କୋଣାର୍କ ଦେବେ ...Alfa

ବାସ୍‌...ଧର୍ମେନ୍ଦ୍ରଙ୍କ ଏପରି ଲୋମଟାଙ୍କୁରା ଭାଷଣ ଉପସ୍ଥିତ ଥିବା ପିଲାଙ୍କ ମନରେ ଭରିଥିଲା ଜୋସ୍‌ । ପାଠ ପଢି ଚାକିରି କରି ନିଜ ପାଇଁ ଓଡିଆ ଜାତି ପାଇଁ କିଛି କରି ଦେଖାଇବାର ଇଚ୍ଛା ଛାତ୍ରଛାତ୍ରୀଙ୍କ ସ୍ୱରରେ ସ୍ପଷ୍ଟ ବାରି ହୋଇପଡୁଥିଲା । କର ତାଳିରେ ଫାଟି ପଡୁଥିଲା ପୁରା ଅଞ୍ଚଳ ।

ଏହାସହ କେନ୍ଦ୍ରମନ୍ତ୍ରୀ କହିଥିଲେ, ସମୟ ବଦଳୁଛି । ପାରିପାର୍ଶ୍ୱିକ ପରିସ୍ଥିତି ବଦଳୁଛି । ଲୋକେ ପରିବର୍ତ୍ତନକୁ ବି ଆପଣାଉଛନ୍ତି । ଆଗାମୀ ଦିନରେ ଏହି ଅଞ୍ଚଳର ପିଲା ରାଜ୍ୟ ନୁହେଁ, ଦେଶ ନୁହେଁ ଅନ୍ତରାଷ୍ଟ୍ରୀୟ ସ୍ତରରେ ନେତୃତ୍ଵ ନେବେ । ବାସ୍‌ କେନ୍ଦ୍ର ମନ୍ତ୍ରୀଙ୍କର ଆହ୍ଵାନ କ୍ରମେ ଆଜିଠାରୁ ଓଡ଼ିଆ ଚାକିରି ଦେବେ କହିବା ସହ ନିଜେ ୪୬ ପିଲାଙ୍କୁ ନିଯୁକ୍ତି ଦେଇଛନ୍ତି ସାକ୍ୟସିଂହ । ଯାହାକୁ ନେଇ ଏବେ ଚର୍ଚ୍ଚା ଚାଲିଛି ।

Argus English | argus english | Odisha Latest News, Breaking News, Trending News, Live TV