ଅର୍ଗସ ବ୍ୟୁରୋ : ମୁଁ ଦାରିଙ୍ଗିବାଡ଼ି କଲେଜରେ ରହି ପାଠ ପଢୁଥିଲି । ମୋ ଦେହ ଖରାପ ଯୋଗୁଁ ମୁଁ କଲେଜ ଯାଇପାରିନଥିଲି । ମୋ ସାଙ୍ଗ ମାନେ ସବୁ କଲେଜ ଯାଇଥିଲେ । ମୁଁ ରୁମରେ ଥିଲି, ସେ ମତେ ଏକୁଟିଆ ଦେଖି ମୋ ସହ ଖରାପ ବ୍ୟବହାର କରିବା ସହ ଭିଡ଼ିଓ ଭାଇରାଲ କଲା ।

ପୁଣି କଲେଜ ଛାତ୍ରୀଙ୍କୁ ଜୋରଜବରଦସ୍ତ ଦୁଷ୍କର୍ମ । ଆଉ ଦୁଷ୍କର୍ମ ପରେ ଛାତ୍ରୀଙ୍କୁ ଧମକ ଚମକ ଦେବା ସହ ଛାତ୍ରୀଙ୍କ ନଗ୍ନ ଭିଡ଼ିଓକୁ ବିଭିନ୍ନ ସୋସିଆଲ ମିଡ଼ିଆରେ କଲେ ଭାଇରାଲ । ଘଟଣାରେ ଦାରିଙ୍ଗିବାଡ଼ି ଥାନା ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି l ଗିରଫ ଜଣକ ହେଲେ ଦାରିଙ୍ଗବାଡି ଥାନା ଅନ୍ତର୍ଗତ ପର୍ତ୍ତ ମାହା ପଞ୍ଚାୟତର ଯିହୋଶୟ ପ୍ରଧାନ l

ସୁଚନା ଅନୁସାରେ ଦାରିଙ୍ଗିବାଡ଼ି ଅଞ୍ଚଳର ଜଣେ ଯୁବତୀ ରାଧାକୃଷ୍ଣ ମନ୍ଦିର ନିକଟରେ ଏକ ଘର ଭଡ଼ା ନେଇ ଘରୋଇ କଲେଜରେ ପାଠ ପଢୁଥିଲେ । ଏବଂ ଅନ୍ୟ ଦୁଇ ଜଣ ସହପାଠୀଙ୍କ ସହିତ ରହୁଥିଲେ । ତେବେ ଗତ ୨୯ ତାରିଖରେ ଦୁଇ ଜଣ ଛାତ୍ରୀ କଲେଜ ଯାଇ ଥିବା ବେଳେ ଅଭିଯୋଗ କରିଥିବା ପିଡ଼ିତା ଛାତ୍ରୀଙ୍କ ଶରୀର ଅସୁସ୍ଥ ଥିବାରୁ ସେ ଘରେ ଏକୁଟିଆ ରହିଥିଲେ ।

ସେହି ସମୟରେ ଗିରଫ ହୋଇଥିବା ଅଭିଯୁକ୍ତ ଛାତ୍ରୀ ରହୁଥିବା ଘର ଭିତରକୁ ପଶି ତାଙ୍କୁ ଦୁଷ୍କର୍ମ କରିବା ସହ ନଗ୍ନ ଭିଡିଓ ଉତ୍ତଳନ କରିଥିଲେ । ଘଟଣା ସମ୍ପର୍କରେ କାହାକୁ କହିଲେ ଜୀବନରୁ ମାରି ଦେବାକୁ ଧମକ ମଧ୍ୟ ଦେଇଥିଲେ । ଏବଂ ପରେ ଛାତ୍ରୀଙ୍କ ନଗ୍ନ ଫୋଟ ଓ ଭିଡିଓ ବିଭିନ୍ନ ସୋସିଆଲ ମିଡିଆରେ ଭାଇରାଲ କରିଥିଲେ l ଏନେଇ ଗତକାଲି ଛାତ୍ରୀଙ୍କ ବାପା ଦାରିଙ୍ଗିବାଡି ଥାନାରେ ଲିଖିତ ଅଭିଯୋଗ କରିଛନ୍ତି ।

ପୋଲିସ ଏ ଘଟଣାକୁ ନେଇ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଏବଂ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ଦାରିଙ୍ଗିବାଡି ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ସୁଚନା ଦେଇଛନ୍ତି l

Argus English | argus english | Odisha Latest News, Breaking News, Trending News, Live TV