Argus News - ମକର ସଂକ୍ରାନ୍ତିରେ ଅଘଟଣ, ବ୍ରିଜ ତଳକୁ ଖସି ବାଇକ ଆରୋହୀ ମୃତ

ଢେଙ୍କାନାଳ: କାମାକ୍ଷାନଗର ମୁଖ୍ୟ ରାସ୍ତାର ମହୁଲପାଳ ଗାଁ ସ୍ଥିତ ବ୍ରିଜ ଉପରୁ ତଳକୁ ଖସିଲା ବାଇକ । ଫଳରେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଜଣଙ୍କ କାମାକ୍ଷାନଗର ଥାନା ଆଲୁଅଝରଣ ଗାଁର ଦୂର୍ଯ୍ୟୋଧନ ପ୍ରଧାନଙ୍କ ପୁଅ ଦିପୁ ପ୍ରଧାନ । ଦିପୁ ବାଇକ ଯୋଗେ କାମାକ୍ଷାନଗରରୁ ନିଜ ଗାଁ ଆଲୁଅଝରଣକୁ ଯାଉଥିବାବେଳେ ଭାରସାମ୍ୟ ହରାଇ ବ୍ରିଜ ତଳକୁ ବାଇକ ସହିତ ଖସି ପଡ଼ିଥିଲେ ।

ଗୁରୁତର ଅବସ୍ଥାରେ ସ୍ଥାନୀୟ ଯୁବକମାନେ ତାଙ୍କୁ ଏକ କାର ଯୋଗେ କାମାକ୍ଷାନଗର ମେଡିକାଲରେ ଭର୍ତ୍ତି କରିଥଲେ । ମାତ୍ର ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରଛନ୍ତି । ଏନେଇ ବେଶ କିଛି ସମୟ ଧରି ମେଡିକାଲ ପରିସରରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।

ଆହୁରି ପଢନ୍ତୁ ଓଡିଶା ଖବର...