ଅର୍ଗସ ବ୍ୟୁରୋ : ସମ୍ ଅଲ୍ଟିମେଟର ସଫଳତା । ନୂଆ ଜୀବନ ପାଇଲା କ୍ରିଷ୍ଣା । ଖୋର୍ଦ୍ଧା ଜିଲ୍ଲା ରେତଙ୍ଗର ରିଙ୍କୁ ମହାପାତ୍ର ଓ ରଶ୍ମିତା ରଣାଙ୍କ ନବଜାତ ଶିଶୁପୁତ୍ର କ୍ରିଷ୍ଣା  ଜନ୍ମ ପରେ ନିଶ୍ବାସ ପ୍ରଶ୍ବାସ ନେବାରେ ଯନ୍ତ୍ରଣା ଅନୁଭବ କରୁଥିଲା । ବିଭିନ୍ନ ହସ୍ପିଟାଲକୁ ଯାଇ ନିରାଶ ହେଲା ପରେ ଶେଷରେ ସମ୍ ଅଲ୍ଟିମେଟର ସର୍ଜନ ଡାକ୍ତର ରାଧା ମାଧବ ସାହୁ ଶିଶୁଟିର ଜୀବନ ବଞ୍ଚାଇବାରେ ସଫଳ ହୋଇଛନ୍ତି । 

ଜନ୍ମରୁ ଶିଶୁର ଶ୍ବାସନଳିରେ ସମସ୍ୟା ଥିଲା । ଫଳରେ ଏମର୍ଜେନ୍ସି ସ୍ଥିତିରେ ପ୍ରଥମେ ଶିଶୁ ବିଭାଗ ଡାକ୍ତର ଅଜୟ କୁମାର ଗହନ ଦେଖିଥିଲେ । ପରେ ଇଏନଟି ବିଭାଗ ଡାକ୍ତର ରାଧା ମାଧବ ସାହୁଙ୍କ ନେତୃତ୍ବରେ ଶିଶୁର ପାଟି ପଟେ ପାଇପ୍ ଦେଇ ଚିକିତ୍ସା କରିଥିଲେ । ଶିଶୁଙ୍କୁ କ୍ଷେତ୍ରରେ ଏଭଳି ରୋଗ ଖୁବ୍ କମ ଦେଖା ଯାଉଥିବା ବେଳେ ବଞ୍ଚିବା ମଧ୍ୟ କଷ୍ଟକର ହୁଏ । 

ଅଧିକ ପଢନ୍ତୁ ଓଡ଼ିଶା ଖବର

କିନ୍ତୁ ସମ୍ ଅଲଟିମେଟର ଅତ୍ୟାଧୁନିକ ଚିକିତ୍ସା ସୁବିଧା ସହ ବିଜ୍ଞ ଡାକ୍ତରୀ ଦଳ ଶିଶୁଟିକୁ ମୃତ୍ୟୁ ମୁଖରୁ ବଞ୍ଚାଇ ପାରିଛନ୍ତି । ବର୍ତ୍ତମାନ ଶିଶୁଟି ସମ୍ପୂର୍ଣ୍ଣ ସୁସ୍ଥ ଅଛି । ଭବିଷ୍ୟତରେ ମଧ୍ୟ କୌଣସି ସମସ୍ୟା ଦେଖା ଦେବନି ବୋଲି ଡାକ୍ତର କହିଛନ୍ତି । ଶିଶୁର ଚିକିତ୍ସା ସମ୍ପୂର୍ଣ୍ଣ ମାଗଣା କରାଯାଇଛି ।