ଘରେ ପଶୁପଶୁ ଚାଳ ବାଜିଲାଣି
ଭଦ୍ରକରେ ପଶୁ ପଶୁ ଅର୍ପଣ ରଥର ବାଜିଲା ମୁଣ୍ଡ
ଅର୍ପଣ ରଥକୁ ଅଟକାଇ ବିରୋଧ ପ୍ରଦର୍ଶନ କଲେ ଗ୍ରାମବାସୀ 
ରାସନ ସାମଗ୍ରୀ ଓ ଭତ୍ତା ମିଳିନଥିବାରୁ ଲୋକେ ଅର୍ପଣ ରଥକୁ ରଖିଲେ ଅଟକ
 

ଅର୍ଗସ ବ୍ୟୁରୋ : ଏବେ ରାଜ୍ୟରେ ଗଡ଼ୁଛି ଅର୍ପଣ ରଥ । ଅର୍ପଣ ରଥ ତ ନୁହେଁ ଲାଗୁଛି ବିଜେଡ଼ି କରୁଛି ଦଳୀୟ ପ୍ରଚାର । କାରଣ ଯେଉଁ ପରି ଭାବରେ ଅର୍ପଣ ରଥକୁ ନୀଳ ରଙ୍ଗରେ ରଙ୍ଗାଯିବା ସହ ବିଜେଡ଼ି ନେତାଙ୍କ ଫଟୋ ଲାଗୁଛି ଯିଏ ଦେଖିବ ସିଏ କହିହ, ବିଜେଡ଼ି କରୁଛି ଦଳୀୟ ପ୍ରଚାର । ଯାହାକୁ ନେଇ ଏବେ ସାଧାରଣ ମହଲରେ ଜୋର ଚର୍ଚ୍ଚା ହେଉଛି ।

ଭଦ୍ରକ ତିହିଡି ବ୍ଲକ ଧାମନଗର ନିର୍ବାଚନ ମଣ୍ଡଳୀରେ ଅର୍ପଣ ରଥ ବୁଲିବାର ଆଜି କର୍ଯ୍ୟକ୍ରମ ଥିଲା । ଏହି ସମୟରେ ଅର୍ପଣ ରଥକୁ ବିରୋଧ କରିଛନ୍ତି ତାଳପଦା ଗ୍ରାମ ପଞ୍ଚାୟତର ଜନତା । ଆଉ କହିଛନ୍ତି, ଦୀର୍ଘ ମାସ ହେଲା ଲୋକଙ୍କୁ ସରକାର ଯୋଗାଉଥିବା ଚାଉଳ ମିଳୁନାହିଁ । ରାସନକାର୍ଡ ହିତାଧିକାରୀଙ୍କୁ ମିଳୁଥିବା ଚାଉଳକୁ ଡିଲର ହେରଫେର କରୁଛନ୍ତି । ଏନେଇ ବାରମ୍ବାର ଅଧିକାରୀଙ୍କୁ ଜଣାଇଲେ ମଧ୍ୟ କୌଣସି ସୁଫଳ ମିଳିନାହିଁ  । ତା ସହିତ ଭତ୍ତା ବି ଠିକ୍ ସମୟରେ ମିଳୁନାହିଁ । ତେଣୁ ଆମେ ଏହି ରଥକୁ ଅଟକାଇଛୁ ।

ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ପାଇଁ ସାରା ରାଜ୍ୟରେ ବୁଲୁଛି ଅର୍ପଣ ରଥ । ଆଜି ଅର୍ପଣ ରଥ ସହ ତାଳପଦା ପଞ୍ଚାୟତର ସରପଞ୍ଚ ଜୟଶ୍ରୀ ବେହେରା ରଥକୁ ନେଇ ପଞ୍ଚାୟତ ବୁଲୁଥିଲେ । ଏହି ସମୟରେ ରଥକୁ ଅଟକାଲେ ତାଳପଦା ପଞ୍ଚାୟତର ଲେକେ । କାହିଁକି ଅନେକ ମାସ ହେବ ଚାଉଳ ମିଳୁନାହିଁ ବୋଲି ଅଭିଯୋଗ ଆଣିବା ସହ ଅର୍ପଣ ରଥକୁ ଅଟକାଇ ଦେଇଛନ୍ତି ।