ଭଦ୍ରକ: ଭଦ୍ରକରେ ATM କ୍ୟାସ ଚ୍ୟାମ୍ବରରେ ଅଠା ପଟି, ବାହାରି ପାରୁନାହିଁ ଟଙ୍କା । ଏମିତି ଅଭିଯୋଗ ଆସିଛି ଭଦ୍ରକ ସହରରେ ରାଜଘାଟ ଛକ ନିକଟରେ ଥିବା SBI, ATM ରେ । ଏହି ATMରେ ପିନ୍ ଦେବା ପରେ ଟଙ୍କା ବାହାରିବା ଶବ୍ଦ ଶୁଭୁଛି । ଟଙ୍କା ଆକାଉଣ୍ଟରୁ କଟିଲା ବୋଲି ମୋବାଇଲର ମେସେଜ ଆସୁଛି । ହେଲେ  ଟଙ୍କା ବାହାରୁ ନାହିଁ । ଜଣେ ନୁହେଁ ଅନେକ ଲୋକ ଏମିତି ଘଟଣା ଶିକାର ହୋଇଛନ୍ତି । ପରେ କମ୍ପାନୀ କର୍ତ୍ତୃପକ୍ଷଙ୍କୁ ଏନେଇ ସୂଚନା ଦିଆଯାଇଥିଲା ।  

କିନ୍ତୁ ଏଟିଏମ କମ୍ପାନୀ କର୍ତ୍ତୃପକ୍ଷଙ୍କ ଉପସ୍ଥିତିରେ ମେସିନ ଖୋଲାଯିବା ପରେ ଜଣାପଡିଛି ଯେ ଏ ହେଉଛି ଅଜଣା ଦୁର୍ବୁର୍ତ୍ତଙ୍କ କାମ । ଭଦ୍ରକ ସହରର କୁଆଁଶ ସ୍ଥିତ ଷ୍ଟେଟ ବ୍ୟାଙ୍କ ATM ଏମିତି ପରିସ୍ଥିତି ଉପୁଜିଛି । କେହି ଦୁର୍ବୃତ୍ତ ATM କଭରକୁ ବାହାର କରି ଟଙ୍କା ବାହାରିବା ଚ୍ୟାମ୍ବରରେ ଅଠା ପଟି ଲଗାଇଦେଇଛି । ଲୋକେ ATM ରୁ ଟଙ୍କା ଉଠାଇବା ପରେ ମେସେଜ ଆସୁଥିଲେ ମଧ୍ୟ ଟଙ୍କା ବାହାରୁ ନାହିଁ । ଏମିତିକି ଭଦ୍ରକ ଜିଲ୍ଲା ପୋଲିସ ଆସୋସିଏସନର ସଭାପତି ମଧ୍ୟ ଦୁଇଟି ATM କାର୍ଡରୁ ଉଠାଇଥିବା ଟଙ୍କା ଆକାଉଣ୍ଟରୁ କଟିଯାଇଥିବା ସତ୍ତ୍ୱେ ଟଙ୍କା ପାଇ ନାହାନ୍ତି । 

ଏନେଇ କମ୍ପାନୀ ଏକ୍ସଜୁଟିଭ ଅବିନାଶ ତ୍ରିପାଠୀ କହିଛନ୍ତି ତୁରନ୍ତ ଏନେଇ ସିସିଟିଭି ଫୁଟେଜ ଆଧାରରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି । 

ଆହୁରି ପଢନ୍ତୁ ଓଡିଶା ଖବର...