Argus News - ୪୫ ବସ୍ତା ଧାନ ଖାଇଗଲେ ହାତୀପଲ

ଖୋର୍ଦ୍ଧା: ଅମଳ ଧନ ଖାଇଗଲେ ହାତୀପଲ । ଟାଙ୍ଗି ରେଞ୍ଜ ନିରାକାରପୁର ରାମେଶ୍ୱର ଅଞ୍ଚଳରେ ଦେଖିବାକୁ ମିଳିଛି ଏହି ଘଟଣା । ଆଜି ଭୋର ସମୟରେ ରାମେଶ୍ୱର ଗ୍ରାମପଞ୍ଚାୟତ ପଦ୍ମପୁର ଗ୍ରାମରେ ୨୩ ଟିକିଆ ହାତୀପଲ ଉପଦ୍ରବ କରିଛନ୍ତି । ଫଳରେ ଲୋକେ ଭୟଭିତ ହୋଇପଡିଛନ୍ତି । 

ପଦ୍ମପୁର ଗ୍ରାମର ଜଣେ ଚାଷୀ ୪୫ ବସ୍ତା ଧାନ ଅମଳ କରି ଖଳା ବାରିରେ ରଖିଥିବାବେଳେ ହାତୀପଲ ଧାନ ଖାଇ ନଷ୍ଟ କରିଛନ୍ତି । ବର୍ଷକର ଅମଳ ଧାନ ହାତୀ ଖାଇ ଯାଇଥିବାରୁ ଚିନ୍ତାରେ ଚାଷୀ । 

ବର୍ଷକର ଧାନ ହାତୀ ଖାଇ ଯାଇଥିବାରୁ କ୍ଷତିପୂରଣ ପାଇଁ ବନବିଭାଗ ନିକଟରେ ଦାବି କରିଛନ୍ତି ଚାଷୀ । ଟାଙ୍ଗୀ ବନବିଭାଗର କର୍ମଚାରୀ ହାତୀକୁ ଘଉଡେଇବା ପାଇଁ ଉଦ୍ୟମ କରିଥିବାବେଳେ ହାତୀମାନଙ୍କୁ ଜଙ୍ଗଲ ମଧ୍ୟକୁ ତଡିବାରେ ସଂପୂର୍ଣ୍ଣ ବିଫଳ ହୋଇଛନ୍ତି । ଯାହାକୁ ନେଇ ଚାଷୀ ଅସନ୍ତୋଷ ବ୍ୟକ୍ତ କରିଛି । କ୍ଷତିପୂରଣ ନମିଳିଲେ ଚାଷୀ ଓ ତାଙ୍କ ପତ୍ନୀ ଆତ୍ମହତ୍ୟା କରିବାକୁ ଚେତାବନୀ ଦେଇଛନ୍ତି।

ଆହୁରି ପଢନ୍ତୁ ଓଡିଶା ଖବର...