ଅର୍ଗସ ବ୍ୟୁରୋ : କଳାକାରଙ୍କୁ ମାଡ଼ ମାରିବା ପଡିଲା ମହଙ୍ଗା । ଜଣେ ପୋଲିସ ଅଧିକାରୀଙ୍କ ସହିତ ଜଣେ କନେଷ୍ଟବଳ ଓ ଦୁଇ ଜଣ ହୋମଗାର୍ଡଙ୍କୁ ହେଡ଼କ୍ୟୁଟରକୁ ହେଲା ବଦଳି । ଗତ ୩୦ ତାରିଖ ଶନିବାର ଦିନ ରାତି ୧୧ ଟାରୁ ୧୨ଟା ଭିତରେ ଭଦ୍ରକ ଜିଲ୍ଲାର ଯୁବ କଳାକାର ଗୋପୀନାଥ ନାୟକ ଭଦ୍ରକରୁ ଏକ ସାଂସ୍କୃତିକ କାର୍ଯ୍ୟକ୍ରମର ଯୋଗ ଦେଇ ନିଜ ଗାଡିରେ ଘରକୁ ଫେରୁଥିଲେ ।

ଏହି ସମୟରେ ଆଗରପଡା ପୋଲିସ ତାଙ୍କୁ ଅଟକାଇ ଗାଡିର କାଗଜପତ୍ର ମାଗିଥିଲେ । କଳାକାର ଜଣକ ତାଙ୍କ ଗାଡିର କାଗଜପତ୍ର ପ୍ରଦାନ କରିଥିଲେ । ସବୁ କାଗଜପତ୍ର ଠିକ ଥାଇବି ପାଟ୍ରୋଲିଙ୍ଗ ଦାୟିତ୍ୱରେ ଥିବା ପୋଲିସ କର୍ମଚାରୀ ମାନେ ତାଙ୍କୁ ଟଙ୍କା ମାଗିଥିଲେ । ତେବେ ସେ ଟଙ୍କା କାହିଁକି ଦେବି ବୋଲି ପ୍ରଶ୍ନ କରିବାରୁ ମାଡ଼ ମାରିଥିଲେ ପୋଲିସ । ପାଖାପାଖି ଅଧ ଘଣ୍ଟା ଧରି ବାଡ଼ିରେ ମାଡ଼ ମାରିଥିଲେ ବୋଲି ଅଭିଯୋଗ କରିଛନ୍ତି ଗୋପୀନାଥ ।

ତାଙ୍କ ସ୍ତ୍ରୀ ଡାକ୍ତର ଖାନାରେ ସ୍ୱାମୀଙ୍କୁ ଭେଟି ସବୁ କଥା ବୁଝିବା ପରେ ଆଗରପଡା ଥାନାରେ ଲିଖିତ ଅଭିଯୋଗ କରିଛନ୍ତି । ମୋ ସ୍ୱାମୀଙ୍କୁ ନ୍ୟାୟ ଦିଆଯାଉ ବୋଲି ଦାବି କରିଛନ୍ତି । ଅନ୍ୟପଟେ ଏହି ପୋଲିସ କର୍ମଚାରୀ ମାନଙ୍କର ଜିଲ୍ଲା ମୁଖ୍ୟାଳୟକୁ ବଦଳି କରାଯାଇଛି । ଏହି ବଦଳିକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଗୋପୀନାଥ ।

ସେହିପରି ଏହି ମାଡ଼ ଘଟଣାକୁ ନେଇ ତମାମ ଜିଲ୍ଲାରେ ଆଲୋଡନ ସୃଷ୍ଟି କରିଛି । ପୋଲିସର ଏହି ମାଡ଼କୁ ନେଇ ଧିରେ ଧିରେ ଅସନ୍ତୋଷ ପ୍ରକାଶ ପାଉଥିବା ବେଳେ । କଳାକାରଙ୍କୁ ମାଡ଼କୁ ନେଇ ବିଶେଷ କରି ଜିଲ୍ଲାରେ ଥିବା କଳାକାର ମାନେ ଅସନ୍ତୋଷ ପ୍ରକାଶ କରିଛନ୍ତି । ଶେଷରେ ଭଦ୍ରକ ଏସପି ଆଜି ଆଗରପଡା ଥାନାର ଏଏସଆଇ ମହେନ୍ଦ୍ର ଗିରି, କନେଷ୍ଟବଳ ଚିନ୍ମୟୀ ଦେହୁରୀ, ଦୁଇ ଜଣ ହୋମଗାର୍ଡ ଅରୁଣ କୁମାର ଦାସ ଗଜେନ୍ଦ୍ର ନାୟକଙ୍କୁ ଜିଲ୍ଲା ପୋଲିସ ହେଡ଼କ୍ୟୁଟର କୁ ବଦଳି କରିଛନ୍ତି । ତେବେ ରାଜ୍ୟରେ ପୋଲିସ ମାନେ କାହିଁକି ଆଇନକୁ ହାତକୁ ନେଉଛନ୍ତି । ପୋଲିସ ବିରୁଦ୍ଧରେରେ କେବେ ହେବ କାର୍ଯ୍ୟାନୁଷ୍ଠାନ ତାହାକୁ ଦେଖିବାକୁ ରହିଲା ଅପେକ୍ଷା ।