ଭୁବନେଶ୍ୱର:  ଆଜି ବିଜେଡି ପାଳୁଛି 27 ତମ ପ୍ରତିଷ୍ଠା ଦିବସ । ହେଲେ ଆଞ୍ଚଳିକ ଦଳ ଶାସନରେ ରାଜ୍ୟରେ ସୀମା, ସଂସ୍କୃତି ଓ ଭାଷା ଅସୁରକ୍ଷିତ ହୋଇପଡିଥିବା ଅଭିଯୋଗ ହୋଇଛି । 24 ବର୍ଷର ବିଜେଡି ସରକାରର ଶାସନରେ ସୀମାରେ ବଢିଛି ବାହାର ରାଜ୍ୟର ଅନୁପ୍ରବେଶ । କୋରାପୁଟ କୋଟିଆରେ ପଶି ଓଡ଼ିଶାର ଜମି ଉପରେ ଅଧିକାର ଜାହିର କରୁଛି ଆନ୍ଧ୍ର । 

ଯାହା 24 ବର୍ଷ ସରକାରଙ୍କ ପୁରୁଷାର୍ଥ ଉପରେ ସୃଷ୍ଟି କରିଛି ପ୍ରଶ୍ନବାଚୀ । ସେପଟେ ବିଜେଡି ସରକାରଙ୍କ ଅମଳରେ ରାଜ୍ୟରେ ବଢିଛି ଦାଦନ ଯନ୍ତ୍ରଣା । ରାଜ୍ୟରେ ରୋଗଜାରର ପନ୍ଥା ନପାଇ ବାହାର ରାଜ୍ୟକୁ ଦାଦନ ଖଟିଯିବାକୁ ବାଧ୍ୟ ହେଉଛନ୍ତି ଲୋକେ । ରୋଜଗାର ଆଶାରେ ଯାଇ ଶବ ହୋଇ ଫେରୁଛନ୍ତି । 

ସେପଟେ ଚାଷୀଙ୍କ ସ୍ଥିତି ତ ନକହିଲେ ଭଲ । 24 ବର୍ଷର ଅପାରଗ ଶାସନରୁ ରାଜ୍ୟରେ ପଡିଛି ବଡ଼ ଦୁର୍ବିପାକ ଯାହା ମନୁଷ୍ୟକୃତ । ବିଜେଡି ସରକାରରେ ହିଁ ଓଡ଼ିଶାବାସୀ ଭୋଗୁଛନ୍ତି ଏଭଳି ଦୁର୍ବିପାକ ଯନ୍ତ୍ରଣା । ଗୋଟିଏ ପଟେ 27 ତମ ପ୍ରତିଷ୍ଠା ଦିବସ ପାଳୁଛି ଦଳ। ହେଲେ ଅନ୍ୟପଟେ ବିଭିନ୍ନ ସମସ୍ୟାରେ ଘାଣ୍ଟି ହୋଇ ଯନ୍ତ୍ରଣା ଭୋଗୁଛନ୍ତି ରାଜ୍ୟବାସୀ ।

ଆହୁରି ପଢନ୍ତୁ ଓଡିଶା ଖବର...