ଅର୍ଗସ ବ୍ୟୁରୋ: ଗାଁ ଗାଁ ରେ ସଡ଼କ ହେବ ଲୋକେ ସୁବିଧା ପାଇବେ ବୋଲି ରାସ୍ତା ତିଆରି ହେଲା, ହେଲେ ରାସ୍ତା କାମ ନ ସରୁଣୁ ଉଠି ଯାଉଛି ପରସ୍ତ ପରସ୍ତ ପିଚୁ l ଖଡ଼ିଆଳ ଆରଡି ବିଭାଗର ସ୍ୱଚ୍ଛତା କୁ ନେଇ ଉଠିଲା ପ୍ରଶ୍ନ l ଏ ହେଉଛି ନୂଆପଡା ଜିଲ୍ଲା ଖଡ଼ିଆଳ ବ୍ଲକ ର ବଡ଼ ମହେଶ୍ୱର ଗାଁରୁ କୁଳିଗାଁ ରାସ୍ତା l ଏଠାରେ କୋଟି କୋଟି ଟଙ୍କାରେ ନିର୍ମାଣ ଚାଲୁଛି ପ୍ରଧାନମନ୍ତ୍ରୀ ସଡ଼କ ରାସ୍ତା। ହେଲେ ରାସ୍ତା କାମ ନ ସରୁଣୁ ରାସ୍ତା ଅବସ୍ଥା ବେହାଲ l ଥରେ ରାସ୍ତା କାମ ଉପରେ ନଜର ପକାନ୍ତୁ ରାସ୍ତାରୁ କେମିତି ପିଚୁ ପରସ୍ତ ପରସ୍ତ ଉଠୁଛି l ପୁଣି କଉଠି ରାସ୍ତା ପାର୍ଶ୍ଵ ରେ ପିଚୁ ଦବୁଛି l ଏପରି ଅବସ୍ଥା ରେ ରାସ୍ତା ର ଆୟୁ କେତେ ବର୍ଷ ତାହା ଜଳ ଜଳ ହୋଇ ଜଣା ପଡୁଛି l ରାସ୍ତା କାମ ନିମ୍ନ ମାନ ନେଇ ଗାଁ ଲୋକେ ଅଭିଯୋଗ ସତ୍ତ୍ବେ ଠିକାଦାର ମନ ମୁଖି ଚଳାଇ ଯୋଗୁଁ ରାସ୍ତା ଖରାପ ହେଉଥିବା ଅଭିଯୋଗ ହେଉଛି l

ଖାଲି ରାସ୍ତା ନୁହେଁ ଏହି ରାସ୍ତା ରେ ନିର୍ମାଣ ହେଉଥିବା କଲଭର୍ଟ କାମ ମଧ୍ୟ ଅତି ନିମ୍ନ ମାନର ହେଉଥିବା ଅଭିଯୋଗ ସାଙ୍ଗକୁ ଅନ୍ୟ ପୋଲିଆ ମାନେ ମନ୍ଥର ଗତି ରେ ଚାଲୁଥିବା ଅଭିଯୋଗ l ରାସ୍ତା କାମ ଅଧାରୁ ବୋର୍ଡ ତିଆରି କୁ ନେଇ ମଧ୍ୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି l ଏ ନେଇ ଦଳିତ ଅଧିକାର ମଞ୍ଚ ରାଜ୍ୟ ସଭାପତି ଙ୍କ ନେତୃତ୍ୱ ରେ ଗାଁ ଲୋକେ ଖଡ଼ିଆଳ ଆରଡି ଅଫିସ ଦ୍ୱାରସ୍ଥ ହୋଇ ରାସ୍ତା ଅବସ୍ଥା କହିଛନ୍ତି l ରାସ୍ତା କାମ ଉନ୍ନତମାନର ନ ହେଲେ ଆଗକୁ ଆନ୍ଦୋଳନର ଚେତାବନୀ ଦେଇଛନ୍ତି l ସେପଟେ ଖଡ଼ିଆଳ ଗ୍ରାମ୍ୟ ଉନ୍ନୟନ ବିଭାଗର ଅଧୀକ୍ଷଣ ଯନ୍ତ୍ରୀଙ୍କୁ ପଚାରିବାରୁ ତଦନ୍ତ କରାଯିବ ବୋଲି କହିଛନ୍ତି l

ରାସ୍ତା ସୁବିଧା କରିବା ବଦଳରେ ଲୋକଙ୍କୁ ଭୁଆଁ ବୁଲାଇ ଖାମ ଖିଆଲି ଚାଲିଛି l ରାସ୍ତା କାମ ନ ସୁରୁଣୁ ଉଠୁଛି ପିଚୁ ହେଲେ ଅଧିକାରୀ ଯନ୍ତ୍ରୀ ଚୁପ l କେବେ ପ୍ରଶାସନ ବଡ଼ ମହେଶ୍ୱର-କୁଲିଗାଁ ରାସ୍ତା ଉପରେ ନଜର ପଡିବ ତାହାକୁ ଅପେକ୍ଷା ରହିଲା। 

ଅଧିକ ପଢ଼ନ୍ତୁ ଓଡ଼ିଶା ଖବର