ସରକାରୀ ପ୍ରାଣୀ ଚିକିତ୍ସାଳୟରେ ଚାଲିଛି ସାଂଘାତିକ ଖେଳ
ଅର୍ଗସ ବ୍ୟୁରୋ : ସରକାରୀ ଡାକ୍ତରୀ ଚିଠାରେ ବେସରକାରୀ ଔଷଧ ଦୋକାନର ବିଜ୍ଞାପନ । ଘରୋଇ ମେଡିସିନ ଷ୍ଟୋରକୁ ସରକାରୀ ଡାକ୍ତରଙ୍କ ଅନୁକମ୍ପା । ଡାକ୍ତରଖାନାରେ ଔଷଧ ମହଜୁଦ ସତ୍ତ୍ବେ, ବାହାରୁ ଔଷଧ ଆଣିବାକୁ ଲେଖୁଛନ୍ତି ଡାକ୍ତର । କୌଣସି ଘରୋଇ ଡାକ୍ତରଖାନାର ନୁହଁ, ବରଂ ବକ୍ସିବଜାର ଅଞ୍ଚଳରେ ଥିବା ସରକାରୀ ପ୍ରାଣୀ ଚିକିତ୍ସାଳୟ ନାଁରେ ଆସିଛି ଏପରି ଅଭିଯୋଗ । ସରକାରୀ ଡାକ୍ତର ଚିଠା ଲେଖି ସିଧାସଳଖ ଦୋକାନକୁ ପଠାଇଦେଉଛନ୍ତି ଔଷଧ ପାଇଁ । ଆଉ ଚିଠା ଯେତେ ଯିବ ସେତେ କମିଶନ କ୍ରେଡିଡ୍ ହେଉଛି ଡାକ୍ତରଙ୍କ ବ୍ୟାଙ୍କ ଖାତାରେ ।
କେବଳ ଡାକ୍ତର ନୁହେଁ କମ୍ପାଉଣ୍ଡରଠାରୁ ଆରମ୍ଭ କରି ଅଫିସ ଷ୍ଟାଫ ପର୍ଯ୍ୟନ୍ତ ନିଜ ନିଜ ର୍ୟାଙ୍କ ଅନୁଯାୟୀ ପାଉଛନ୍ତି କମିଶନ । ଏପରି କି ସାଧାରଣ ଇଞ୍ଜେକସନ ସିରିଞ୍ଜ ପାଇଁ ସେହି ଔଷଧ ଦୋକାନକୁ ପଠାଯାଉଛି ଲୋକମାନଙ୍କୁ । ଏଭଳି ଅଭିଯୋଗ ପରେ ହିନ୍ଦୁସେନା ତରଫରୁ ବିକ୍ଷୋଭ କରାଯିବା ସହିତ ତୁରନ୍ତ ଏ ସବୁ ବନ୍ଦ କରିବାକୁ ଦାବି ହୋଇଛି । ସରକାରୀ ପ୍ରାଣୀ ଚିକିତ୍ସାଳୟରେ ଡାକ୍ତର ଏବଂ କମ୍ପାଉଣ୍ଡର ପଶୁ ଚିକିତ୍ସା କରି ଲାଞ୍ଚ ନେଉଥିବା ଭିଡିଓ ମଧ୍ୟ ମୋବାଇଲରେ କଏଦ ହୋଇଛି ।
ଅଧିକ ପଢନ୍ତୁ ଓଡିଶା ଖବର
📱 Get Argus News App
✨ସରକାରୀ ଚିକିତ୍ସାଳୟରେ ଏଭଳି ସାଂଘାତିକ ଘୋଟାଲା ଚାଲିଥିବା ବେଳେ ସତ କଥା ମାନିଛନ୍ତି ଡାକ୍ତର ବାବୁ । ଆଉ ସିଧାସଳଖ ସରକାର ଉପରେ ଦୋଷ ଲଦି ନିଜେ ଖସିଯିବାକୁ ଚେଷ୍ଟା କରିଛନ୍ତି । ସରକାର ଚିଠା ଲେଖିବାକୁ କାଗଜ କିମ୍ବା ଯଥେଷ୍ଟ ପରିମାଣର ଔଷଧ ଦେଉନଥିବାରୁ ପାଖ ଦୋକାନି ବାବୁ ଆମକୁ ଲେଖିବାକୁ ଚିଠା ଦେଇଛନ୍ତି ବୋଲି କହିଛନ୍ତି ଡାକ୍ତର । ଯଦି ଆଗକୁ ଏ ଘଟଣାର ପୁନଃରାବୃତ୍ତି ହୁଏ, ତାହା ହେଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି କହିଛି ହିନ୍ଦୁସେନା ।