ଅର୍ଗସ ବ୍ୟୁରୋ: ସୁବର୍ଣ୍ଣପୁର ସହରର ରମଜୀନଗରରେ ରହୁଥିବା ଜଣେ ମନ୍ଦିର ପୂଜକଙ୍କ ଘରେ କଳାକନା ବୁଲାଇଲେ ଦୁର୍ବୃତ୍ତ । ସହରର ପଞ୍ଚରଥ ମନ୍ଦିର ପୂଜକ ତଥା ସୋନପୁର ଥାନାରେ ପୂଜା କରୁଥିବା କୈଳାସ ରଥଙ୍କ ଘରୁ କେହି ନଥିବା ବେଳେ ଗ୍ରିଲ ଓ କବାଟ ଭାଙ୍ଗି ଲକ୍ଷାଧିକ ଟଙ୍କାର ସୁନା ଓ ରୂପା ଅଳଙ୍କାର ଚୋରି  ହୋଇଥିବା ଅଭିଯୋଗ ହୋଇଛି। ସୋନପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। 

ବିଳମ୍ୱିତ ରାତିରେ ଘରେ କେହି ନ ଥିବା ବେଳେ ଚୋରମାନେ ଏହାର ସୁଯୋଗ  ନେଇ ଘର ଗ୍ରିଲ୍ ଭାଙ୍ଗି ବେଡ଼ ରୁମକୁ ପଶିଥିଲେ । ଘରର ଆଲମାରୀ ଭାଙ୍ଗି ପ୍ରାୟ ୩ ଲକ୍ଷ ଟଙ୍କାର ସୁନା ଓ ରୂପା ଅଳଙ୍କାର ଚୋରି ହୋଇ ଥିବା ଘର ମାଲିକ ସୋନପୁର୍ ଥନାରେ ଅଭିଯୋଗ କରିଛନ୍ତି । ସହରରେ ବାରମ୍ବାର ଚୋରି ଘଟଣା ବଢ଼ିବାରେ ଲାଗିଛି । ଫଳରେ ସହରବାସୀ ଭୟ ଓ ଆଶଙ୍କାରେ ରହୁଛନ୍ତି। 

ଅଧିକ ପଢ଼ନ୍ତୁ ଓଡ଼ିଶା ଖବର