କମିଶନରେଟ ପୋଲିସ ହାତରେ ତିନ୍ ପାହାଡି ଗ୍ୟାଙ୍ଗ
ଲୁଟ ପାଇଁ ଝାରଖଣ୍ଡରୁ ଆସିଥିଲେ ଭୁବନେଶ୍ୱର
ଲୁଟ କଲେ ମିଳୁଥିଲା ଦରମା 
ଗ୍ୟାଙ୍ଗରେ ସାମିଲ ଆଇଟି ଏକ୍ସପର୍ଟ 
ମେଡିକାଲ, ହାଟ ଓ ଭିଡ ଜାଗା ଥିଲା ଟାର୍ଗେଟରେ
 

ଅର୍ଗସ ବ୍ୟୁରୋ : ଜାମତରା ଗ୍ୟାଙ୍ଗ ଭଳି ତିନ ପାହାଡି ଗ୍ୟାଙ୍ଗକୁ ଗିରଫ କରିଛି କମିଶନରେଟ ପୋଲିସ । ଏହି ଗ୍ୟାଙ୍ଗର ୮ ଜଣଙ୍କୁ ଗିରଫ କରିବା ସହ ଏମାନଙ୍କୁ ନୂଆ ବର୍ଷ ଛାଟ ଦେଇଛି ପୋଲିସ । ଆସାମ ଝାରଖଣ୍ଡ ପଶ୍ଚିମବଙ୍ଗ ସମେତ ଦେଶର ବିଭିନ୍ନ ରାଜ୍ୟରେ ଚୋରି କରୁଥିଲେ ଏମାନେ । ଏମିତି କି ଏମାନେ ଯୁଆଡେ ଯାଉଥିଲେ ସାଙ୍ଗରେ ରୋଷେଇଆ ନେଇ ମଧ୍ୟ ଯାଉଥିଲେ । ସାଧାରଣରେ ମିଶି ଯାଉଥିଲେ, ଭଡା ଘରେ ରହୁଥିଲେ,ରେଳ ଷ୍ଟେସନ, ଲଜରେ ମଧ୍ୟ ରହୁଥିଲେ ।

ବିଶେଷ କରି ବସ, ପରିବା ହାଟ ଓ ଜନଗହଳି ପୂର୍ଣ୍ଣ ସ୍ଥାନ ଥିଲା ଏମାନଙ୍କ ଟାର୍ଗେଟ । ମୋବାଇଲ ଚୋରି କରି ସିମ୍ କାର୍ଡ ବାହାର କରୁଥିଲେ । ସିମ୍ କାର୍ଡ ମାଧ୍ୟମରେ ତାଙ୍କ ଆକାଉଣ୍ଟରେ ଥିବା ଟଙ୍କା ସଫା କରି ଦେଉଥିଲେ ଏହି ଲୁଟେରା ଦଳ । କ୍ୟାପିଟାଲ ଥାନା ପୋଲିସ ଏମାନଙ୍କୁ ଗିରଫ କରିବା ସହ ଏମାନଙ୍କ ଠାରୁ ୨୨ଟି ଫୋନ, ୧ଲକ୍ଷ ୩୦ ହଜାର ଟଙ୍କା ମଧ୍ୟ କରିଛି ଜବତ । 

କ୍ୟାପିଟାଲ ଥାନାରେ ଏକ ମାମଲା ଥିଲା । ୧୪ ଲକ୍ଷ ଟଙ୍କା ସଫା କରି ଦେଇଥିଲେ ଏହି ଗ୍ୟାଙ୍ଗ । କ୍ୟାପିଟାଲ ଥାନାରେ ୮ ଟି କେଶ ଓ ସାଇବର ଥାନାରେ ଗୋଟିଏ କେଶ ଅଛି । ଭିଡ଼ ଜାଗାରେ ଆଗରୁ ଥାଆନ୍ତି ଓ ଗହଳି ପରିସ୍ଥିତି ସୃଷ୍ଟି କରି ଚୁନା ଲଗାନ୍ତି ଲୋକଙ୍କୁ । ସବୁଠାରୁ ବଡ଼ କଥା ଏମାନେ ହେଲେ ଦରମା ନିଆ ଲୁଟେରା । ଗ୍ୟାଙ୍ଗର ମୁଖ୍ୟ ଗ୍ୟାଙ୍ଗ ସଦସ୍ୟଙ୍କୁ ଦରମା ଦେଇ ନିୟୋଜିତ କରିଥାଏ । ଗୋଟେ ଗ୍ରୁପ ମୋବାଇଲ ଚୋରି କରେ, ଆଉ ଏକ ଗ୍ରୁପ ମୋବାଇଲ ହ୍ୟାକ କରି ଟଙ୍କା ଲୁଟେ । ପାଖା ପାଖି ୨୦ ଲକ୍ଷ ଟଙ୍କାର ଚୋରି କରିଛନ୍ତି ଏହି ଲୁଟେରା । ତେବେ ଏମାନଙ୍କ ନା ରେ ରାଜ୍ୟ ଓ ରାଜ୍ୟ ବାହାରେ ପୁଳା ପୁଳା ମାମଲା ରହିଥିବା ବେଳେ ଗ୍ୟାଙ୍ଗର ଅନ୍ୟ ସଦସ୍ୟଙ୍କୁ କେବେ କାବୁ କରୁଛି ପୋଲିସ ତାହା ଦେଖିବାକୁ ଅପେକ୍ଷା ।