ଜେଲ ଭିତରେ ପାର୍ଟି, ଚା' ସହ ପକୋଡିର ଆସର
ଅର୍ଗସ ବ୍ୟୁରୋ : ଜେଲ ଭିତରେ ପାର୍ଟି । ଚା' ସହ ପକୋଡିର ଆସର । ପୁଣି ପାର୍ଟିର ଭିଡିଓ ଉତ୍ତୋଳନ କରି ସୋସିଆଲ ମିଡିଆରେ ଭାଇରାଲ କରିଛନ୍ତି ଖୋଦ କଏଦୀ । ସାଧାରଣ ଲୋକଙ୍କ ମନରେ ସବୁବେଳେ ଗୋଟିଏ ପ୍ରଶ୍ନ ଉଙ୍କିମାରେ, ଯେ ଅସଲରେ ଜେଲ୍ ଭିତରେ କେମିତି ରହୁଥିବେ କଏଦୀ । ଜେଲର ନାଁ ଶୁଣିଲେ ଛାତି ଥରି ଉଠେ । ହେଲେ ଏଠି ତ ଜେଲରେ କଏଦୀମାନେ ପାର୍ଟି କରୁଛନ୍ତି । ପଞ୍ଜାବ ଲୁଧିୟାନା ସେଣ୍ଟ୍ରାଲ୍ ଜେଲର ଦୃଶ୍ୟ ଦେଖିବାକୁ ମିଳିଥିଲେ । ଯାହା ଜେଲ ସୁରକ୍ଷା ଉପରେ ବିରାଟ ବଡ଼ ପ୍ରଶ୍ନବାଚୀ ଛିଡ଼ା କରିଛି ।
ଅଧିକ ପଢନ୍ତୁ ଭାରତ ଖବର
ଲୁଧିୟାନା ସେଣ୍ଟ୍ରାଲ ଜେଲରେ ମଣି ରାଣା ନାମକ ଜଣେ କଏଦୀର ଜନ୍ମଦିନ ପାଳୁଛନ୍ତି ସାଥୀ କଏଦୀ । ଏହି ଅବସରରେ ସମସ୍ତେ ଚା ପୋକୋଡି ଖାଉଥିବାର ଦୃଶ୍ୟ ଭାଇରାଲ ହେଉଛି । ଭିଡିଓଟି ଭାଇରାଲ ହେବାପରେ ଜେଲ କର୍ତ୍ତୃପକ୍ଷ କିଛି କଏଦୀଙ୍କ ନାଁରେ ମାମଲା ରୁଜୁ କରି ତଦନ୍ତ କରୁଥିବା କହିଛନ୍ତି । ସେପଟେ ଜେଲରେ କୌଣସି ପ୍ରକାର ନେଟୱର୍କ କାମ କରୁନଥିବା କୁହାଯାଏ । ହେଲେ ଏହି ଭିଡିଓ ଭାଇରାଲ୍ ହେବା ପରେ ଏହା ଉପରେ ମଧ୍ୟ ପ୍ରଶ୍ନବାଚୀ ଛିଡ଼ା ହୋଇଛି ।
