କ୍ୟାରିୟରର ଶ୍ରେଷ୍ଠ ସ୍ଥାନରେ ଶୁବମନ୍ ଗିଲ୍
ନୂଆଦିଲ୍ଲୀ: ଆନ୍ତର୍ଜାତିକ ଦିନିକିଆ କ୍ରିକେଟ୍ ମାନ୍ୟତାରେ ଆଗରେ ଭାରତୀୟ ପ୍ଲେୟର୍ । ଭାରତୀୟ ଯୁବ ବ୍ୟାଟର୍ ଶୁବମନ୍ ଗିଲ୍ କ୍ୟାରିୟରର ଶ୍ରେଷ୍ଠ ସ୍ଥାନରେ ପହଞ୍ଚିଛନ୍ତି। ଆନ୍ତର୍ଜାତିକ ଦିନିକିଆ ମାନ୍ୟତାରେ ବହୁତ ଦିନ ପର୍ଯ୍ୟନ୍ତ ୨ ନମ୍ବର ସ୍ଥାନରେ ରହିଆସୁଥିବା ଗିଲ୍, ସଦ୍ୟତମ ତାଲିକାରେ ପାକିସ୍ତାନର ବାବର ଆଜମଙ୍କୁ ଗାଦିଚ୍ୟୁତ କରି ନୂଆ ୧ ନମ୍ବର ହୋଇଛନ୍ତି। ଏହା ଫଳରେ ଗିଲ୍ ଚତୁର୍ଥ ଭାରତୀୟ ଭାବେ ୧ ନମ୍ବର ସ୍ଥାନରେ ପହଞ୍ଚିଛନ୍ତି। ପୂର୍ବରୁ ସଚିନ ତେନ୍ଦୁଲକର, ମହେନ୍ଦ୍ର ସିଂହ ଧୋନି ଓ ବିରାଟ କୋହଲି ୧ ନମ୍ବର ବ୍ୟାଟର୍ ହୋଇସାରିଛନ୍ତି।
ଅଧିକ ପଢନ୍ତୁ: ଜମୁଛି ବିଶ୍ବକପ ୨୦୨୩ : ଦେଖିବାକୁ ମିଳିଛୁ ଲଭ୍ ବାର୍ଡଙ୍କ ପ୍ରେମ କାହାଣୀ
ବୋଲରଙ୍କ ମଧ୍ୟରେ ମହମ୍ମଦ ସିରାଜ ଶୀର୍ଷ ସ୍ଥାନ ବଜାୟ ରଖିଥିଲା ବେଳେ କୁଲଦୀପ ଯାଦବ (୪), ଯଶପ୍ରୀତ ବୁମରା (୮) ଓ ମହମ୍ମଦ ସାମି (୧୦) ଶୀର୍ଷ ୧୦ ଜଣଙ୍କ ମଧ୍ୟରେ ଅଛନ୍ତି। ଟେଷ୍ଟରେ ମଧ୍ୟ ଆର୍ ଅଶ୍ବିନ୍ ବୋଲିଂରେ ଏବଂ ରବୀନ୍ଦ୍ର ଜାଡ଼େଜା ଅଲରାଉଣ୍ଡର୍ ତାଲିକାରେ ଶୀର୍ଷରେ ରହିଛନ୍ତି। ଭାରତ ଏବେ ଏକକାଳୀନ ଟେଷ୍ଟ, ଦିନିକିଆ ଏବଂ ଟ୍ବେଣ୍ଟି-୨୦ ମାନ୍ୟତାର ଶୀର୍ଷରେ ରହିବା ଏବଂ ଦିନିକିଆ ବିଶ୍ବକପ୍ ବେଳେ ବ୍ୟାଟିଂ ଓ ବୋଲିଂର ଶିଖରରେ ପହଞ୍ଚିବା ପ୍ରଶଂସକଙ୍କୁ ଖୁସି କରି ଦେଇଛି।
📱 Get Argus News App
✨କ୍ରୀଡ଼ା ଖବର ଆହୁରି ପଢନ୍ତୁ