ଅର୍ଗସ ବ୍ୟୁରୋ:  ଅଯୋଧ୍ୟାଗସ୍ତ ସମୟରେ ଦଳିତ ପରିବାର ମୀରା ମାଞ୍ଝୀଙ୍କ ଘରକୁ ଗଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିଜ ଘରେ ଚା କରି ପ୍ରଧାନମନ୍ତ୍ରୀଙ୍କୁ ପିଆଉଥିଲେ ମୀରା । ଆଉ ସନ୍ଧ୍ୟା ସୁଦ୍ଧା ମୀରାଙ୍କୁ ରିଟର୍ଣ୍ଣ ଗିଫ୍ଟ ପଠାଇଛନ୍ତି ମୋଦି । ପ୍ରଧାନମନ୍ତ୍ରୀଙ୍କ ନିର୍ଦେଶ ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୀରାଙ୍କ ପରିବାରକୁ ସିଏମ୍‌ ଜନ ଆରୋଗ୍ୟ ଯୋଜନାରେ ସାମିଲ କରିଛନ୍ତି ।

ଅଯୋଧ୍ୟା ଜିଲ୍ଲାପାଳ ନିଜେ ଯାଇ ତାଙ୍କୁ ଏହି ପତ୍ର ପ୍ରଦାନ କରିଛନ୍ତି । ଏହାଛଡ଼ା ଖୁବଶୀଘ୍ର ତାଙ୍କୁ ଆୟୁଷ୍ମାନ କାର୍ଡ ଦେବାକୁ ମଧ୍ୟ ନିର୍ଦେଶ ଦିଆଯାଇଛି । ଅଯୋଧ୍ୟା ଗସ୍ତ ସମୟରେ ମୀରଙ୍କ ଘରକୁ ଯାଇ ଚା ପିଇବା ସହ ତାଙ୍କ ଚାର ପ୍ରଶଂସା ମଧ୍ୟ କରିଥିଲେ ପ୍ରଧାନମନ୍ତ୍ରୀ ।

ମୀରାଙ୍କ ପରିବାରକୁ ଭେଟିବା ପରେ ଅଯୋଧ୍ୟା ମାଝୀ ନଗରରେ ଦୁଇ ପିଲାଙ୍କୁ ଭେଟିଥିଲେ ପ୍ରଧାନମନ୍ତ୍ରୀ । ପିଲାଙ୍କ ସହ ସେଲଫି ନେବା ସହ ପିଲାମାନେ ବନାଇଥିବା ଅଯୋଧ୍ୟା ଶ୍ରୀରାମ ମନ୍ଦିରର ଚିତ୍ରକୁ ମଧ୍ୟ ଦେଖିଥିଲେ ପ୍ରଧାନମନ୍ତ୍ରୀ । ଚିତ୍ରକୁ ପ୍ରଶଂସା କରିବା ସହ ପିଲାଙ୍କ ସହ କିଛି ସମୟ କଥା ହୋଇଥିଲେ ମୋଦି । ପ୍ରଧାନମନ୍ତ୍ରୀଙ୍କୁ ଭେଟି ବେଶ ଖୁସି ହୋଇଥିଲେ ପିଲାମାନେ ।

ଅଧିକ ପଢ଼ନ୍ତୁ ଦେଶ ଖବର: