ଅର୍ଗସ ବ୍ୟୁରୋ: ପାଖେଇ ଆସୁଛି ଭବ୍ୟ ଓ ଦିବ୍ୟ ଶ୍ରୀରାମ ମନ୍ଦିରରେ ରାମଲାଲାଙ୍କ ପ୍ରାଣପ୍ରତିଷ୍ଠା ଉତ୍ସବ। ଜାନୁଆରୀ ୨୨ରେ ଅଯୋଧ୍ୟାକୁ ଫେରିବେ ଅଯୋଧ୍ୟାପତି । ଏଥିପାଇଁ ଉତ୍ସବମୁଖର ଶ୍ରୀରାମ ନଗରୀ । ଆଉ ଏହି ଅବସରରେ ୧୧ ଦିନର ଅନୁଷ୍ଠାନ ରଖିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭବ୍ୟ ଶ୍ରୀରାମ ମନ୍ଦିରର ଉଦଘାଟନ ପୂର୍ବରୁ ପ୍ରଭୁଙ୍କ ପାଇଁ ଏହି ଅନୁଷ୍ଠାନ ଆରମ୍ଭ କରିଛନ୍ତି ମୋଦି । ଏହି ଅନୁଷ୍ଠାନର ଆରମ୍ଭ ନାଶିକ ଧାମ ପଞ୍ଚପଟିରୁ ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ । ଏନେଇ ଜାରି କରିଛନ୍ତି ଏକ ଅଡିଓ ବାର୍ତ୍ତା ।

ରଘୁପତିଙ୍କ ପ୍ରାଣ ପ୍ରତିଷ୍ଠାର ଉତ୍କଣ୍ଠା ଓ ଭାବନାକୁ ଶବ୍ଦରେ ବର୍ଣ୍ଣନା କରିବା କଷ୍ଟକର । ପ୍ରାଣ ପ୍ରତିଷ୍ଠାର ସାକ୍ଷୀ ରହିବାର ଅବସର ମିଳିଥିବାରୁ ଭାବବିହ୍ବଳ ହୋଇଥିବା କହିଛନ୍ତି ମୋଦି । ଅନ୍ତର ମନରେ ସୃଷ୍ଟି ହୋଇଥିବା ଭାବନା ଅଭିବ୍ୟକ୍ତି ନୁହେଁ ବରଂ ଅନୁଭୁତି କରିବାର ଆବଶ୍ୟକତା ରହିଛି । ଯେଉଁ ସ୍ୱପ୍ନକୁ ଅନେକ ପିଢ଼ି ବର୍ଷବର୍ଷ ଧରି ସଙ୍କଳ୍ପ ଭାବେ ନିଜ ହୃଦୟରେ ରଖିଥିଲେ ଏବେ ତାର ସିଦ୍ଧି ସମୟରେ ଉପସ୍ଥିତ ରହିବାର ସୁଯୋଗ ମିଳିଥିବାରୁ ଖୁସି ବ୍ୟକ୍ତି କରିଛନ୍ତି ପ୍ରଧାନମନ୍ତ୍ରୀ ।

ଅଧିକ ପଢ଼ନ୍ତୁ ଦେଶ ଖବର: