ଅର୍ଗସ ବ୍ୟୁରୋ : ନାସିକରେ ପିଏମ ମୋଦିଙ୍କ ବିଶାଳ ରୋଡ ସୋ’ । ମହାରାଷ୍ଟ୍ରକୁ ୩୦ ହଜାର କୋଟି ଟଙ୍କାର ଭେଟି । ଅଟଳ ସେତୁ ଉଦଘାଟନ ହେବାକୁ ଯାଉଛି । ଏହି ଅବସରରେ ନାସିକରେ ବିଶାଳ ରୋଡ ସୋ କରି ଶକ୍ତି ପ୍ରଦର୍ଶନ କରିଛନ୍ତି ନରେନ୍ଦ୍ର ମୋଦି । ରୋଡ ସୋ’ରେ ପ୍ରଧାନମନ୍ତ୍ରୀଙ୍କ ସହ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଓ ଅଜିତ ପାୱାର ମଧ୍ୟ ଉପସ୍ଥିତ ଥିଲେ । ରାମ କଥା କୁଣ୍ଡ ଓ କଳାମନ୍ଦିର କାର୍ଯ୍ୟକ୍ରମରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ମୋଦି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନାଶିକରେ ଜନ୍ମ ବାର୍ଷିକୀରେ ସ୍ୱାମୀ ବିବେକାନନ୍ଦଙ୍କୁ ପୁଷ୍ପମାଲ୍ୟ ଅର୍ପଣ କରିଥିଲେ । ଆଜି ପ୍ରଧାନମନ୍ତ୍ରୀ ରାଜ୍ୟରେ ୩୦ ହଜାର କୋଟିରୁ ଅଧିକ ମୂଲ୍ୟର ବିକାଶମୂଳକ ପ୍ରକଳ୍ପ ଶୁଭାରମ୍ଭ କରିବେ । ପ୍ରଧାନମନ୍ତ୍ରୀ ଶୁକ୍ରବାର ଦିନ ନାଶିକରେ ୨୭ ତମ ଜାତୀୟ ଯୁବ ମହୋତ୍ସବ (NYF) ର ଉଦଘାଟନ କରିଛନ୍ତି । ଜାତୀୟ ଯୁବ ମହୋତ୍ସବ ପ୍ରତିବର୍ଷ ୧୨ ରୁ ୧୬ ଜାନୁୟାରୀ ପର୍ଯ୍ୟନ୍ତ ଅନୁଷ୍ଠିତ ହୋଇଥାଏ । ଚଳିତ ବର୍ଷର ଉତ୍ସବର ବିଷୟବସ୍ତୁ ହେଉଛି 'ବିକଶିତ ଭାରତ @ 2047 : ଯୁବକମାନଙ୍କ ପାଇଁ, ଯୁବକମାନଙ୍କ ଦ୍ୱାରା'।

ଅଧିକ ପଢନ୍ତୁ ଭାରତ ଖବର

ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଏକ ଲକ୍ଷରୁ ଅଧିକ ଯୁବକଙ୍କୁ ସମ୍ବୋଧିତ କରିବେ। ଏଥି ସହିତ ଦେଶର ସମସ୍ତ ଜିଲ୍ଲାର ଯୁବକମାନେ ଲାଇଭ କନଫରେନ୍ସ ମାଧ୍ୟମରେ ଏହି କାର୍ଯ୍ୟକ୍ରମ ଦେଖିବେ ଏବଂ ପ୍ରଧାନମନ୍ତ୍ରୀ ମୋଦିଙ୍କ କଥା ଶୁଣିବେ । ଯୁବ ମହୋତ୍ସବ ସହ ଜଡିତ ଗ୍ରାଣ୍ଡ ଇଭେଣ୍ଟ ଦେଶର ୭୫୦ରୁ ଅଧିକ ଜିଲ୍ଲାରେ ଆୟୋଜିତ କରାଯାଇଛି ।