ଅର୍ଗସ ବ୍ୟୁରୋ: ଜାରି ହେଲା ପିଏମ କିଷାନ ନିଧିର ୧୫ତମ କିସ୍ତି । ବିର୍ସାମୁଣ୍ଡାଙ୍କ ଜୟନ୍ତୀରେ ଝାଡ଼ଖଣ୍ଡ ଗସ୍ତ କରିବା ସହ ଦେଶର କ୍ଷୁଦ୍ର ଚାଷୀଙ୍କ ପାଇଁ ପିଏମ କିଷାନ ସମ୍ମାନ ନିଧି ଯୋଜନାର ୧୫ତମ କିସ୍ତି ଜାରି କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିର୍ଷାମୁଣ୍ଡାଙ୍କ ଜୟନ୍ତୀରେ ପ୍ରଧାନମନ୍ତ୍ରୀ ମୋଦି ଝାଡ଼ଖଣ୍ଡରେ ପହଞ୍ଚିଛନ୍ତି । ସ୍ବାଧୀନତାର ସାଢ଼େ ସାତ ଦଶକରେ ପ୍ରଥମ ଥର ପାଇଁ ମହାନ ସଂଗ୍ରାମୀଙ୍କ ଜନ୍ମମାଟିରେ ପହଞ୍ଚି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।

ସାର ପାଇଁ ୨୨,୩୦୩ କୋଟି ଟଙ୍କାର ସବସିଡି ଘୋଷଣା

ପୂର୍ବାହ୍ନ ସାଢ଼େ ୧୧ଟାରେ ପିଏମ କିଷାନ ସମ୍ମାନ ନିଧି ଯୋଜନାର କିସ୍ତି ଜାରି କରିଛନ୍ତି । ଏହା ପୂର୍ବରୁ ୨୦୨୩ ଜୁଲାଇ ୨୭ରେ ପିଏମ ମୋଦି ଗୁଜରାଟରେ ପ୍ରଧାନମନ୍ତ୍ରୀ କିଷାନ ସମ୍ମାନ ଯୋଜନାର ୧୪ତମ କିସ୍ତି ଜାରି କରିଥିଲେ । ସେତେବେଳେ ୩.୫ କୋଟି ଚାଷୀଙ୍କ ବ୍ୟାଙ୍କ ଖାତାରେ ୧୭ ହଜାର କୋଟି ଟଙ୍କାର ଟ୍ରାନ୍ସଫର କରାଯାଇଥିଲା । ପିଏମ କିଷାନ ଯୋଜନା ଅନୁଯାୟୀ, ଚାଷୀଙ୍କୁ ବାର୍ଷିକ ୬ ହଜାର ଟଙ୍କା ତିନି କିସ୍ତିରେ ଦିଆଯାଏ । ପ୍ରଥମ କିସ୍ତି ଏପ୍ରିଲରୁ ଜୁଲାଇ ମଧ୍ୟରେ, ଦ୍ବିତୀୟ କିସ୍ତି ଅଗଷ୍ଟରୁ ନଭେମ୍ବର ଏବଂ ତୃତୀୟ କିସ୍ତି ଡିସେମ୍ବରରୁ ମାର୍ଚ୍ଚ ମଧ୍ୟରେ ଜାରି ହୋଇଥାଏ ।

Argus English | argus english | Odisha Latest News, Breaking News, Trending News, Live TV