ଅର୍ଗସ ବ୍ୟୁରୋ: ରାତିରେ ରାମ ମନ୍ଦିର କେମିତି ଦିଶୁଛି ।  ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ୍ ପକ୍ଷରୁ ରାତିରେ ରାମ ମନ୍ଦିରର ଆଲୌକିକ ଦୃଶ୍ୟ ସୋସିଆଲ ମିଡିଆରେ ସେୟାର କରାଯାଇଛି । ଯାହା ଶ୍ରଦ୍ଧାଳୁଙ୍କ ମନ କିଣିନେଉଛି । 

1-ରାତିରେ ଏମିତି ଦିଶୁଛି ଶ୍ରୀରାମ ମନ୍ଦିର

2- ଜଟାୟୁ ପକ୍ଷୀର ବ୍ରୋଞ୍ଚ ପ୍ରତିମୂର୍ତ୍ତି ସ୍ଥାପନ

3-ମନ ମୋହୁଛି ପଥରରେ ନିଖୁଣ କାରୁକାର୍ଯ୍ୟ

4-କାନ୍ଥରେ ରାମଙ୍କ କଥା

ଚଳଚଞ୍ଚଳ ଅଯୋଧ୍ୟା ମାଟି । ଚାରିଆଡେ ରାମଙ୍କ ଛବି । ଜୟ ଶ୍ରୀରାମ ନାରା । ରାମଲାଲାଙ୍କ ପ୍ରାଣ ପ୍ରତିଷ୍ଠା ସମୟ ଯେତେ ପାଖେଇ ଆସୁଛି ଶ୍ରୀରାମ ମନ୍ଦିର ବିଷୟରେ ଅଧିକରୁ ଅଧିକ ତଥ୍ୟ ଜାଣିବା ପାଇଁ ଲୋକଙ୍କ ମଧ୍ୟରେ ଉତ୍କଣ୍ଠା ମଧ୍ୟ ସେତିକି ବୃଦ୍ଧି ପାଉଛି । କୁହାଯାଉଛି ରାମଲାଲାଙ୍କ ପ୍ରାଣପ୍ରତିଷ୍ଠା ଦିନ ୧୧୧୧ ଶଙ୍ଖ ଧ୍ୱନିରେ ପ୍ରକମ୍ପିତ ହେବ ଅଯୋଧ୍ୟା ନଗରୀ । ଗଙ୍ଗା ଆଳତୀ ପରି  ସରୟୁ ତଟରେ ହେବ ଭବ୍ୟ ସରୟୁ ଆଳତୀ । ଶ୍ରୀରାମଙ୍କ ଏହି ଭବ୍ୟ ମନ୍ଦିର ସମ୍ପୂର୍ଣ୍ଣ ନିଜସ୍ୱ କୌଶଳରେ ନିର୍ମାଣ ହୋଇଛି । ମନ୍ଦିରରେ ରହିଛି 392ଟି ସ୍ତମ୍ଭ ଓ 44ଟି ଦ୍ୱାର । ମନ୍ଦିରର ଦୈର୍ଘ୍ୟ-380 ମିଟର, ପ୍ରସ୍ଥ-250 ମିଟର, ଉଚ୍ଚତା-161 ଫୁଟ୍ । 

ପ୍ରବେଶ ପାଇଁ ପାହାଚ-ରାମ୍ପ, ଭିନ୍ନକ୍ଷମଙ୍କ ପାଇଁ ଲିଫ୍ଟ ରହିଛି । ଆଉ ଏତେ ବଡ ଭବ୍ୟ ମନ୍ଦିର ନିର୍ମାଣରେ ଆଦୌ ଲୁହା ବ୍ୟବହାର କରାଯାଇନାହିଁ । ମନ୍ଦିର ପରିସରରେ 25 ହଜାର ଯାତ୍ରୀଙ୍କ ରହିବା ପାଇଁ ସୁବିଧା ରହିଛି । ମନ୍ଦିର ପରିସରରେ 70 % ସ୍ଥାନରେ ବୃକ୍ଷରୋପଣ କରାଯାଇଛି । ଏହି ସମାରୋହରେ ସାରା ଦେଶରେ 50 ହଜାର କୋଟିର ବ୍ୟବସାୟ ହେବ ବୋଲି ମଧ୍ୟ ଆକଳନ ହେଉଛି ।