ଅର୍ଗସ ବ୍ୟୁରୋ:  ନାଚ ଗୀତରେ ପ୍ରଭୁ ଶ୍ରୀରାମଙ୍କୁ ସ୍ୱାଗତ କରୁଛନ୍ତି ଭକ୍ତ । ଉତ୍ସବମୁଖର ଅଯୋଧ୍ୟା। ଏହାରି ଭିତରେ ମନ୍ତ୍ରମୁଗ୍ଧ କରିଛି ଭାରତର ବିଶିଷ୍ଟ କଣ୍ଠଶିଳ୍ପୀଙ୍କ ସଙ୍ଗୀତ । ରାମଲାଲାଙ୍କ ଆଗମନ ଖୁସିରେ ଭଜନ ପରିବେଷଣ କରିଛନ୍ତି ପ୍ରଶିଦ୍ଧ କଣ୍ଠଶିଳ୍ପୀ ସୋନୁ ନିଗମ। ସେପଟେ ଭବ୍ୟ ଉତ୍ସବ ପାଇଁ ଅଯୋଧ୍ୟାରେ ସିନେ ତାରକାଙ୍କ ଭିଡ଼ । ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠାରେ ଯୋଗ ଦେବାକୁ ଅଯୋଧ୍ୟାରେ ପହଂଚିଥିଲେ ବଲିଉଡର ବହୁ କଳାକାର। ବିଗବି ଅମିତାଭ୍ ବଚ୍ଚନ , ଅଭିଷେକ୍ ବଚ୍ଚନ , ଅନୁପମ ଖେର୍ ,ଜ୍ୟାକି ଶ୍ରଫ୍ ,ଭିକ୍କି କୌଶଲ୍ , କଙ୍ଗନା ରାନାୱତ, କ୍ୟାଟ୍ରିନା କୈଫ୍ , ରଣବୀର୍ କପୁର୍ ,ଆଲିଆ ଭଟ୍ଟ , ଚିରଞ୍ଜିବି , ରାମଚରଣ୍ , ଅନୁ ମଲ୍ଲିକ , ହେମାମାଳିନୀ,ଶଙ୍କର ମାଧବନ୍ , ମଧୁର ଭଣ୍ଡାରକର, ପ୍ରସୁନ୍ ଯୋଶୀ ପ୍ରମୁଖ ରାମଲାଲାଙ୍କ ଦର୍ଶନ ପାଇଁ ଅଯୋଧ୍ୟାରେ ପହଞ୍ଚିଥିଲେ। ଅମ୍ବାନୀ ପରିବାର ମଧ୍ୟ ଅଯୋଧ୍ୟାରେ ପହଞ୍ଚି ରାମ ଲାଲାଙ୍କ ଦର୍ଶନ କରିଛନ୍ତି।

କାଶ୍ମିରୀ ହିନ୍ଦୁ ବେଶରେ ଅଯୋଧ୍ୟାରେ ପହଂଚିଥିଲେ ଅଭିନେତା ଅନୁପମ୍ ଖେର୍ । କହିଲେ , ଅଯୋଧ୍ୟାକୁ ଭଗବାନ ଶ୍ରୀରାମଙ୍କ ଲେଉଟାଣି ହେଉଛି ଠିକ୍ ସେହିପରି କାଶ୍ମିରୀ ହିନ୍ଦୁଙ୍କୁ ମଧ୍ୟ ନ୍ୟାୟ ମିଳିବ ବୋଲି କହିଛନ୍ତି ଅଭିନେତା। ଜନ୍ମମାଟିକୁ ଫେରିଛନ୍ତି ଶ୍ରୀରାମ। ଅଯୋଧ୍ୟାର ପାଣି ପବନରେ ଶ୍ରୀରାମଙ୍କ ଚେତନା ପୁରି ରହିଛି । ଉନ୍ମାଦନା ଦେଖି ଲାଗୁଛି ଯେମିତି ରାମଲଲା ସାଢେ ୫୦୦ ବର୍ଷ ପରେ ବନବାସରୁ ଫେରିଛନ୍ତି ।

ଅଧିକ ପଢ଼ନ୍ତୁ ଦେଶ ଖବର: