ଅର୍ଗସ ବ୍ୟୁରୋ: ସଂସଦରେ ସୁରକ୍ଷା ଉଲ୍ଲଂଘନ ଘଟଣା । କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ । କାରଣ ଖୋଜିବ ଅନୁସନ୍ଧାନ କମିଟି । ସୁରକ୍ଷା ଏଜେନ୍ସିର ସଦସ୍ୟ ତଥା ବିଶେଷଜ୍ଞଙ୍କ ସହ CRPF ଅଧୀନରେ ଏକ ଅନୁସନ୍ଧାନ କମିଟି ଗଠନ କରାଯାଇଛି । ଏହି କମିଟି ତ୍ରୁଟି ଚିହ୍ନଟ କରିବ ଏବଂ ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କରିବ ।

ସେପଟେ ଦିଲ୍ଲୀ ପୋଲିସ ଦ୍ବାରା UAPA ବିଭାଗ ଅଧୀନରେ ମାମଲା ରୁଜୁ ହୋଇଛି । ଘଟଣାରେ 5 ଜଣଙ୍କୁ ଗିରଫ କରାଯାଇଛି ମାରାଥନ ଜେରା କରାଯାଉଛି । ସଂସଦ ଆକ୍ରମଣ ବାର୍ଷିକୀରେ ଅଭାବନୀୟ ଘଟଣା ଦେଖିବାକୁ ମିଳିଥିଲା । କିଛି ସମୟ ପାଇଁ ସାଂସଦଙ୍କ ମଧ୍ୟରେ ଖେଳିଯାଇଥିଲା ଭୟର ବାତାବରଣ ।

22 ବର୍ଷ ପୂର୍ବର ଭୟଙ୍କର ସ୍ମୃତି ମନରୁ ଲିଭି ନଥିବାବେଳେ ନୂଆ ସଂସଦ ଭବନରେ ଏମିତି ଘଟଣା ଘଟିବ କେହି ଭାବି ନଥିଲେ । ସବୁ ସାଂସଦ ଚମକି ପଡ଼ିଥିଲେ । ଦେଖିବାକୁ ମିଳିଥିଲା ଜଣେ ଯୁବକ ଗୋଟିଏ ବେଞ୍ଚରୁ ଆଉ ଗୋଟିଏ ବେଞ୍ଚକୁ ଡେଇଁ ଡେଇଁ ଚାଲିଛି । ଲୋକସଭାରେ ଗୃହକାର୍ଯ୍ୟ ଜାରି ରହିଥିବାବେଳେ ଲୋକସଭା ଦର୍ଶକ ଗ୍ୟାଲେରୀରୁ ଡେଇଁ ଦୁଇ ଅଜ୍ଞାତ ଯୁବକ ଗୃହ ଭିତରେ ଗ୍ୟାସ୍ ସ୍ପ୍ରେ କରିଥିଲେ ।

ଲୋକସଭାରେ ଦୁଇ ଅଜ୍ଞାତ ଯୁବକ

Argus English | argus english | Odisha Latest News, Breaking News, Trending News, Live TV