ଅର୍ଗସ ବ୍ୟୁରୋ: ଜମ୍ମୁ-କାଶ୍ମୀର କ୍ରିକେଟ ଆସୋସିଏସନରେ ଟଙ୍କା ହେରଫେର ଅଭିଯୋଗରେ ଆସନ୍ତାକାଲି ଅର୍ଥାତ ଗୁରୁବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ନ୍ୟାସନାଲ କନଫରେନ୍ସ ତଥା ଲୋକସଭା ସଦସ୍ୟ ଫାରୁକ ଅବଦୁଲ୍ଲାଙ୍କୁ ପଚରାଉଚରା ପାଇଁ ଡକାଯାଇଛି। ବର୍ତ୍ତମାନ ଫାରୁକ ଅବଦୁଲ୍ଲା ମଧ୍ୟ କେନ୍ଦ୍ରୀୟ ତଦନ୍ତକାରୀ ଏଜେନ୍ସି ଦ୍ବାରା ଡକାଯାଇଥିବା ବିରୋଧୀଦଳର ନେତାଙ୍କ ସହ ସାମିଲ ହୋଇଛନ୍ତି। 

ଏହାପୂର୍ବରୁ ଏକ ଜମି ଦୁର୍ନୀତି ସହ ଜଡ଼ିତ ଅର୍ଥ ହେରଫେର ମାମଲାରେ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଡକାଯାଇଥିବାବେଳେ ଦିଲ୍ଲୀର ମଦ ନୀତି ମାମଲାରେ ତାଙ୍କ ଦିଲ୍ଲୀ ପ୍ରତିପକ୍ଷ ଅରବିନ୍ଦ କେଜରିଓ୍ବାଲ ତଦନ୍ତର ସମ୍ମୁଖୀନ ହୋଇଛନ୍ତି। ସମସ୍ତ ତିନି ନେତା ଇଣ୍ଡିଆର ସଦସ୍ୟ ଅଟନ୍ତି। 
ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଅବଦୁଲ୍ଲାଙ୍କ ବିରୋଧରେ ଅଭିଯୋଗ ହେଉଛି ଯେ, ଆସୋସିଏସନର ସଭାପତି ଭାବେ ତାଙ୍କ ପଦର ଅପବ୍ୟବହାର କରିଛନ୍ତି ଏବଂ କ୍ରୀଡ଼ା ସଂସ୍ଥାରେ ନିଯୁକ୍ତି ଦେଇଛନ୍ତି ଯାହାଦ୍ବାରା ବିସିସିଆଇ ପ୍ରାୟୋଜିତ ପାଣ୍ଠିରୁ ଅର୍ଥ ହେରଫେର ହୋଇପାରିବ। 

ଅଧିକ ପଢ଼ନ୍ତୁ ଭାରତ ଖବର